WANANCHI WA ISELA,MLANGALI WAREJEA KATIKA MAJUKUMU YAO


 Wananchi wa kitongozi cha  isela kilichopo kata ya Mlangali Wilayani Mbozi Mkoani Songwe wamerejea katika shughuli zao za kila siku baada ya kukimbia Kitongijini kwa hofu ya kukamatwa na Jeshi la Polisi.

Wananchi hao ambao siku ya Ijumaa  kundi la Wananchi lilivamia baadhi ya nyumba na kufanya uharibifu kwa kukata mazao,kubomoa nyumba na uharibifu mwingine ni baada ya Kaya zilizolengwa kudaiwa kukubali kusaminisha ardhi yao ili kulipwa fidia kupisha hifadhi Mpya ya Ngorongoro inayotarajiwa kuanzishwa maeneo hayo yalio jirani na Kimondo.

Kundi ambalo haliko tayari kuondoka na kupisha hifadhi hiyo ndilo linalodaiwa kufanya uharibifu.Mara baada ya Polisi kufika katika Kitongoji hicho Wananchi walikimbilia milimani ili kukwepa kukamatwa na kuziacha Kaya zao hali iliopelekea kitongozi kukosa watu na Shughuli mbalimbali kusimama.

Leo Jumapili Wananchi wa Kitongoji cha Isela wamerejea baada ya jitihada mbalimbali zilizofanywa na Viongozi mbalimbali wakiongozwa na Diwani wa Kata hiyo Mhe David Mboya ambae alihakikishia Usalama wao na kuwataka kuendelea na Shughuli zao kama kawaida

Akiwa katika Kikao na Wananchi hao kilichofanyika leo Jumapili katika Shule ya Msingi Kimondo Mhe Mboya aliwaaeleza Wananchi hao kuwa Jeshi la Polisi kazi zake ni kulinda raia na mali zao hivyo baada ya kuridhika na kuhakikishiwa Usalama ndani ya Kitongoji hicho na wao Polisi wameondoka  wanaendelea na Majukumu mengine hivyo kwa sasa ameyachukua yote waliojadiliana na atayafikisha ofisi ya Mkuu wa Mkoa na ikiwezekana atamuomba kufika katika kitongozi hicho.


Mara baada ya Kikao chao na Diwani Wananchi wa Kitongoji  hicho wameonekana wakirejea Majumbani mwao na wengine kuingia  katika shughuli zao za kibiashara na kilimo

Katika hatua nyingine Kamanda wa Polisi Mkoa wa Songwe ACP Jannet Magomi amesema hali ya Usalama imeimarika na kwa sasa jeshi la Polisi linamsaka Mwenyekiti wa Kitongoji hicho kwa madai ya Uchochezi.Pia amewataka Wananchi wa Kitongoji hicho kuendelea na Majukumu yao Kama kawaida


Comments

Post a Comment

Popular posts from this blog

MAKONDA AWACHANA MAKAVU KATIBU CCM NA UVCCM SONGWE

Image
  Katibu wa NEC  Itikadi  Uenezi  na Mafunzo  Taifa CCM Poul Makonda amesikitishwa na utendaji kazi wa Katibu wa CCM Mkoa wa Songwe Said King'eng'ena pamoja na Katibu wa Uvccm Mkoa wa Songwe Aisha Mpuya kwa kile kinachodaiwa kuacha Majukumu yao ya msingi na kujiingiza katika vitendo vya uchochezi na migogoro baina ya Viongozi kwa Viongozi na Viongozi na Wanachama ameyasema hayo akiwa hoteli Tunduma Makonda alimuelewa wazi Katibu wa Mkoa kuacha mara moja tabia hiyo kwani taarifa zake anazo na amekuwa akihusika pia kuharibu mahusiano baina ya Viongozi wa serikali na Chama ambapo siku za hivi karibuni Katibu hiyo alidaiwa kupinga maamuzi ya wajumbe wenzie juu ya Ukaguzi wa Miradi Mkoani humo na kupindisha ratiba ya awali ya Ukaguzi Miradi hiyo "Katibu taarifa zako ninazo unakiletea Chama taharuki unawagombanisha Viongozi wa Chama unaona haitoshi unawagombanisha pia Viongozi wa Serikali sasa nitaondoka na wewe hapa Songwe na huyu Katibu wa vu. Mkoa wote tabia zenu zinafanana n
Read more