Utata Waibuka Kifo cha Mwimbaji wa Ekwueme, Dada wa Marehemu Atoboa Siri

 

kimegubikwa na utata

JUZI zimeibuka taarifa za kifo cha Osinanchi Nwachukwu ambaye ni mwimbaji wa nyimbo za dini kutoka nchini Nigeria aliyejizolea umaarufu kwa nyimbo ya Ekwueme aliyoshirikishwa na mchungaji Prospa Ochimana.

 

Taarifa za mwanzo za sababu ya kifo chake zilidai kuwa Osinachi alifariki kwa ugonjwa wa saratani ya koo ambayo alipewa matibabu katika hospitali jijini Abuja kabla ya mauti kumkuta.

 

Sasa habari nyingine imeibuka kuwa Osinachi alifariki kutokana na kipigo kutoka kwa mume wake Peter Nwachukwu kilichosababishwa na kuganda kwa damu kifuani baada ya kupigwa mateke ya kifuani.

                                                                                   Osinachi enzi za uhai wake

Akifanya mazungumzo na mtandao wa Vanguard, dada wa marehemu Flavour Made amethibitisha kuwa mdogowake alipitia kipindi kigumu cha manyanyaso na mateso makali kutoka kwa mume wake ambaye alijali zaidi pesa kuliko mapenzi kwa Asinachi.

 

Flavour anadai wakati Osinachi amelazwa hospitalini Abuja Peter aliwakataza ndugu wa marehemu kuonana na Asinachi akiwa bado mgonjwa, lakini walipopata fursa ya kuongea na daktari, daktari aliwathibitishia kuwa Asinachi alikuwa na uvimbe wa damu kifuani.

 

Dada wa marehemu katika mahojiano yake na Vanguard alidai kuwa taarifa za mdogowake kupigwa mateke zilitoka kwa rafiki wa Asinachi kwani mara zote Asinachi alikuwa si mtu wa kuwaambia nduguzake juu ya mateso aliyokuwa akiyapitia kutoka kwa mumewe, hasa alikuwa mtu wa kumwambia rafiki yake tu.

 

Anadai kuwa kwa mara zote Osinachi amekuwa akishauriwa kuachana na mumewe lakini yeye alikuwa anakataa akidai kuwa mumewe ipo siku atabadilika, na kwamba Mungu hajataka yeye kuachana na mumewe.

 

“Osinachi ana moyo laini sana anazidiwa hadi na pacha wake” alisema dada wa marehemu.

                                                                  Osinachi alitamba na nyimbo ya Ekwueme

Taarifa zinadai kuwa akaunti zote za fedha za Osinachi zimekuwa zikishikiliwa na mumewe na kwamba program zote za kibiashara pamoja na mikataba mbalimbali ya kazi alikuwa anasimamia mumewe Peter huku malipo yakiingia moja kwa moja kwenye akaunti zake za benki