LATRA SONGWE:ZAIDI YA DALADALA 5O SONGWE ZANASWA NA KUTOZWA FAINI KWA MAKOSA YA KUTOZA NAULI NJE YA UTARATIBU

Mamlaka ya udhibiti wa usafili ardhini (LATRA) mkoani Songwe imewataka madereva kutii agizo la serikali kwa kufuata sheria zilizoweka za utozaji wa nauli elekezi kwa kuacha kuwatoza wananchi nauli kubwa kinyume na maelekezo ya serikali.

Akizungumza leo na waandishi wa habari ofisini kwake,Afisa mfawidhi wa mamlaka ya udhibiti wa usafiri aridhini (LATRA) Joseph Bulongo alisema ofisi yake imejipanga kuhakikisha inatoa elimu za mara kwa mara kwa madereva hao ili wazingatia sheria.

Alisema kumekuwa na kawaida kwa baadhi ya madereva wanaokiuka taratibu hizo na kutoza fedha za nauli nje ya utaratibu uliowekwa kwa kisingizio cha kupanda kwa mafuta na kwamba kwa atakaye kiuka utataribu huo atatozwa faini ya Tsh,250,000.

Alisema nauli elekezi kutoka Mbeya hadi Tunduma ni Tshs 4500,Mlowo kwenda Vwawa Tsh,500,Mlowo Mpemba Tsh,1500,Vwawa kwenda Mpemba Tsh,1000,Mpemba kwenda Tunduma Tsh,500 na kituo hadi kituo ni Tsh,500 mwanafunzi analipa Tsh,200 na kwa upande wa bajaji alisema makubaliano ya nauli ni kati ya abiria na dereva.

Alisema wamekuwa wakichukua hatua mbalimbali kw madereva wanaokiuka utaratibu huo wa nauli ambapo tangu mwezi Octoba hadi Sempemba mwaka huu waliyakamata magari 51 bajaji 56 na kuzitoza faini kwa makosa ya kutoza nauli nje ya utaratibu.

Hata hivyo Bulongo,alisema mwanzoni mwa wiki hii kulitokea mgomo wa magari uliodumu kwa siku nne kutokana na bajaji kuingilia safari za daradara ambapo tayari walikaa kikao kilichoongozwa na mkuu wa mkoa na kufikia makubaliano na magari yameanza safari.

Katika kikao hicho kilichokaliwa katika ukumbi wa ofisi ya mkoa mkuu wa mkoa huo Waziri Kindamba alipokea malalamiko ya kila upande kati ya uongozi wa madereva bajaji,Hice na Coaster na kufikia makubaliano ya kuwa bajaji zisiingie stendi ya Mpemba.

Makubaliano hayo yameenda sawa ambapo wote kwa pamoja walikubaliana kuendelea na safari na kusitisha mgomo uliowaumiza wananchi walitumia usafiri mbadara wakitozwa nauli kubwa na sasa hali imerejea kama kawaida.

Kazi za mamlaka hii katika kifungu cha 5 cha sheria namba 3 ya LATRA ya mwaka 2019 ni kutekeleza majukumu ya kisekta,kutoa,kuhuisha au kufuta reseni za usafirishaji,kwa kuzingatia matakwa ya ya sheria za kisekta,kuweka viwango vya ubora wa huduma za usalama katika sekta zinazodhibitiwa,na kudhibiti viwango vya tozo za huduma na kudhibiti shughuri za usalama wa usafiri ardhini.