OFISI SERIKALI ZA MITAA ZAONGOZA KUTOLEWA MALALAMIKO MKOANI SONGWE

TAASISI ya Kuzuia na Kupambana na Rushw (TAKUKURU) Mkoa wa Songwe imefanya ufuatiliaji wa miradi ya maendeleo 68 yenye thamani ya shilingi bilioni 11.564 katika Halmashauri zote za Mkoa wa Songwe na kubaini kasoro kadha, ikiwemo fedha za mikopo ya asilimia 10 kwa ajili ya Wanawake, Vijana na Walemavu.

Taarifa hiyo ilitolewa jana na Naibu Mkuu wa TAKUKURU Mkoa wa Songwe, Mohamed Shariff, kwa waandishi wa Habari, wakati akitoa taarifa ya utendaji kazi wa ofisi hiyo katika kipindi cha miezi mitatu kuanzia Oktoba hadi Disemba 2022.

Alisema katika miradi yote iliyofuatitiliwa  baadhi ya miradi ilibainika  kuwa na upungufu ambapo taasisi hiyo ilichukua hatua mbalimbali kwa wahusika kwa lengo la kuzia vitendo vya rushwa na ubadhirifu.

Miongoni mwa miradi iliyobainika kuwa na upungufu ni ile ya sekta ya Afya kwenye ujenzi wa zahanati na vituo vya afya,ujenzi wa vyumba vya madarasa katika sekta ya Elimu, pamoja na Miundombinu ya barabara.

Eneo lingine ambalo TAKUKURU ilifanya ufuatiliaji kwa lengo la kudhibiti vitendo vya rushwa ni kufanya uchambazi wa mifumo kwenye uendeshaji wa masoko ya biashara katika Halmashauri zote za Mkoa wa Songwe.

"Katika eneo hili tumebaini kuwa wakurugenzi wa Halmashauri zote za Mkoa wa Songwe hawatekelezi utaratibu wa kurejesha asilimia 20 ya fedha za makusanyo ya masoko  kwa ajili ya kugharamia uendeshaji wa masoko husika" alifafanua Shariff.

Aliongeza kuwa, katika eneo hilo TAKUKURU ilibaini kuwa masoko yote katika Halmashauri hizo kukosa mameneja wa kusimamia shughuli za uendeshaji za  kila siku  kama vile usafi, ulinzi pamoja na uboreshaji wa miundombinu ya masoko hayo.

"Kwenye eneo hili tumeshauri Halmashauri ziteue au kuajili ofisa wa soko au meneja ili kusimamia shughuli za uendeshaji wa masoko kama hizo shughuli za usafi na uboreshaji wa miundombinu ya katika masoko hayo" alifafanua Naibu kamanda wa Takukuru.

Katika hatua nyingine,Naibu Kamanda wa Takukuru Shariff alisema kuwa katika kipindi hicho cha miezi mitatu taasisi hiyo ilipokea jumla ya taarifa 26 za malalamiko ya uwepo vitendo vya rushwa, huku akiizitaja serikali za mitaa (Halmashauri) kuwa ni kinara wa kulalamikiwa.

Alisema malalamiko mengi yaliyotolewa kuhusu Halmashauri ni yale yanayohusu utolewaji wa huduma usioridhisha , watendaji kushindwa kutimiza wajibu wao ipasavyo, pamoja urasimu unaofanywa katika ofisi za watendaji wa vijiji na kata.

Alizitaja taasisi nyingine zilizolalamikiwa zaidi kuwa sekta ya elimu, Afya,Kilimo, Jeshi la polisi,Jeshi la Uhamiaji, pamoja  Vyama vya msingi vya ushirika (Amcos).

mwisho.

TAASISI ya Kuzuia na Kupambana na Rushwa (TAKUKURU) Mkoa wa Songwe imefanya ufuatiliaji wa miradi ya maendeleo 68 yenye thamani ya shilingi bilioni 11.564 katika Halmashauri zote za Mkoa wa Songwe na kubaini kasoro kadha, ikiwemo fedha za mikopo ya asilimia 10 kwa ajili ya Wanawake, Vijana na Walemavu.

Taarifa hiyo ilitolewa jana na Naibu Mkuu wa TAKUKURU Mkoa wa Songwe, Mohamed Shariff, kwa waandishi wa Habari, wakati akitoa taarifa ya utendaji kazi wa ofisi hiyo katika kipindi cha miezi mitatu kuanzia Oktoba hadi Disemba 2022.

Alisema katika miradi yote iliyofuatitiliwa  baadhi ya miradi ilibainika  kuwa na upungufu ambapo taasisi hiyo ilichukua hatua mbalimbali kwa wahusika kwa lengo la kuzia vitendo vya rushwa na ubadhirifu.

Miongoni mwa miradi iliyobainika kuwa na upungufu ni ile ya sekta ya Afya kwenye ujenzi wa zahanati na vituo vya afya,ujenzi wa vyumba vya madarasa katika sekta ya Elimu, pamoja na Miundombinu ya barabara.

Eneo lingine ambalo TAKUKURU ilifanya ufuatiliaji kwa lengo la kudhibiti vitendo vya rushwa ni kufanya uchambazi wa mifumo kwenye uendeshaji wa masoko ya biashara katika Halmashauri zote za Mkoa wa Songwe.

"Katika eneo hili tumebaini kuwa wakurugenzi wa Halmashauri zote za Mkoa wa Songwe hawatekelezi utaratibu wa kurejesha asilimia 20 ya fedha za makusanyo ya masoko  kwa ajili ya kugharamia uendeshaji wa masoko husika" alifafanua Shariff.

Aliongeza kuwa, katika eneo hilo TAKUKURU ilibaini kuwa masoko yote katika Halmashauri hizo kukosa mameneja wa kusimamia shughuli za uendeshaji za  kila siku  kama vile usafi, ulinzi pamoja na uboreshaji wa miundombinu ya masoko hayo.

"Kwenye eneo hili tumeshauri Halmashauri ziteue au kuajili ofisa wa soko au meneja ili kusimamia shughuli za uendeshaji wa masoko kama hizo shughuli za usafi na uboreshaji wa miundombinu ya katika masoko hayo" alifafanua Naibu kamanda wa Takukuru.

Katika hatua nyingine,Naibu Kamanda wa Takukuru Shariff alisema kuwa katika kipindi hicho cha miezi mitatu taasisi hiyo ilipokea jumla ya taarifa 26 za malalamiko ya uwepo vitendo vya rushwa, huku akiizitaja serikali za mitaa (Halmashauri) kuwa ni kinara wa kulalamikiwa.

Alisema malalamiko mengi yaliyotolewa kuhusu Halmashauri ni yale yanayohusu utolewaji wa huduma usioridhisha , watendaji kushindwa kutimiza wajibu wao ipasavyo, pamoja urasimu unaofanywa katika ofisi za watendaji wa vijiji na kata.

Alizitaja taasisi nyingine zilizolalamikiwa zaidi kuwa sekta ya elimu, Afya,Kilimo, Jeshi la polisi,Jeshi la Uhamiaji, pamoja  Vyama vya msingi vya ushirika (Amcos).