TUNDUMA:STOO YA KUHIFADHI VIFAA VYA UJENZI YAJENGWA KWA SHILINGI MILIONI 25

BARAZA la Madiwani wa Halmashauri ya Mji Tunduma, Mkoani Songwe limetoa siku 5 kwa Mkurugenzi  Mtendaji wa Halmashauri hiyo, Philemon Magesa kuhakikisha kuwa anawasilisha kwenye kamati ya fedha, taarifa ya matumizi ya shilingi milioni 383 za mradi wa ujenzi wa uzio wa soko la wamachinga

Hatua hiyo imechukuliwa baada ya Madiwani katika baraza hilo kutoridhishwa na taarifa ya maendeleo ya ujenzi wa soko hilo, ikiwemo kibanda cha kuhifadhi vifaa vya ujenzi (Stoo) katika mradi huo kudaiwa kuwa ujenzi wake umegharimu kiasi cha shilingi milioni 25.


Mbali na kuhoji gharama za ujenzi wa stoo, Madiwani hao wamelalamikia kitendo cha Mkurugenzi huyo kukaidi agizo la kamati ya fedha ya kupeleka vifaa vyote vya ujenzi kupelekwa eneo la mradi ikiwemo mifuko 1870 ya saruji, pamoja na kubadilishwa kwa ramani ya soko hilo.


Uamuzi huo ulifikiwa jana kwenye kikao cha baraza kilichoketi kwa ajili ya kupitia na kujadili taarifa za robo ya pili ya mwaka wa fedha 2022/23 na kufanyika katika Ukumbi wa ofisi za  Halmashauri zilizopo katika Mji wa Tunduma, Wilayani Momba.


Akifunga kikao cha Baraza hilo, Mwenyekiti wa Halmashauri hiyo, Ayoub Mlimba, alimtaka Mkurugenzi wa Halmashauri hiyo, Magesa ambapo katika kikao hicho alimkaimisha, ofisa Maendeleo ya Jamii,  


Mwanaisham Shemagembe,kuhakikisha ndani ya siku 5 awe amewasilisha taarifa yenye uchanganuzi wa matumizi ya fedha katika mradi huo wa soko la wamachinga linalojengwa kwa mapato ya fedha za ndani.


“Pamoja na kwamba mmetuambia kuwa mkaguzi wa ndani na kamati ya ulinzi na usalama imefanya ukaguzi kwenye mradi huo, Mkurugenzi nakuagiza ndani ya siku tano uwe umeeanda taarifa na kuiwasilisha kwenye kamati ya fedha”.


Alisema kamati hiyo ya fedha inatarajia kuketi Februari 6,2023 ambapo pamoja na mambo mengine inatarajia kwenda kufanya ukaguzi katika mradi huo wa soko.


“Mbali na kutuletea taarifa hiyo, pia tunataka uwaandalie usafiri wajumbe wa kamati ya fedha ili wafike kwenye mradi na kufanya ukaguzi” alisisitiza Mwenyekiti huyo wa Halmashauri Mlimba.


Awali akichangia kwenye taarifa ya kamati ya fedha iliyowasilishwa na Makamu Mwenyekiti wa Halmashauri hiyo, kwa niaba ya Mwenyekiti, Diwani wa viti maalum, Victoria Myombe, alitaka ufafanuzi juu ya mambo kadhaa juu ya mradi huo wa ujenzi wa soko la Wamachinga linalojengwa katika kata ya Majengo katika katika Halmashauri hiyo.


Miongoni mwa mambo hayo ni juu ya shilingi milioni 25 zilizotumika kama gharama za ujenzi wa  stoo ya kuhifadhia vifaa vya ujenzi katika mradi huo wa soko la Machinga.


Kadhalika, alihoji juu ya ofisi ya Mkurugenzi wa Halmashauri hiyo kushindwa kutekeleza agizo la kamati ya fedha la kutaka vifaa vyote vya ujenzi katika soko hilo, ikiwemo mifuko 1870 ya saruji kushindwa kupelekwe na kuhifadhiwa kwenye eneo la mradi.


Akijibu hoja hizo, mmoja wa wajumbe wa kamati hiyo ya fedha Frank Mponzi ambaye ni diwani wa kata ya Majengo, alisema ofisi hiyo ya Mkurugenzi licha ya kuagizwa mara kadhaa imeshindwa kutekeleza maagizo ya madiwani.


“Kuhusu hili la mifuko ya saruji kamati ya fedha ya fedha ilitaka iwe imefikishwa saiti tangu jumamosi (Januari 30,2023) lakini hadi leo hakuna kilichofanyika” alisema Diwani Mponzi.


Pia Mponzi alisema mbali na kutoridhishwa na maendeleo ya ujenzi wa soko hilo, aliwatuhumu watendaji hao kubadilisha ramani ya ujenzi wa soko hilo.


Hata hivyo, mwanzoni kikao hicho kilianza kwa mzozo baada ya Madiwani hao hoji sababu za Mkurugenzi wa Halmashauri hiyo Magesa kushindwa kushiriki kwenye kikao hicho na vingine vya Madiwani na badala yake hukaimisha.


Akitolea ufafanuzi kuhusu suala hilo la Mkurugenzi kukimbia vikao, Mwenyekiti wa Halmashauri hiyo, Mulimba alisema kuwa mkurugenzi huyo yupo Dodoma kwenye vikao kwa ruhusa ya Katibu Tawala wa Wilaya (Das), pamoja na Katibu Tawala wa Mkoa (Ras).

Maoni

Chapisha Maoni

Machapisho maarufu kutoka blogu hii

KUMBUKUMBU YA MAISHA YA MH. ESTER ALEXANDER MAHAWE

Picha
Tarehe ya Kuzaliwa: 05 Novemba, 1973 Mahali: Kijiji cha Isale, Wilaya ya Mbulu, Mkoa wa Manyara ELIMU Mh. Ester Alexander Mahawe alianza safari yake ya elimu katika Shule ya Msingi Upper Kitete, Wilaya ya Karatu mnamo 1982-1983 na baadaye kuhamia Shule ya Msingi Isale, ambako alihitimu mwaka 1988. Alipata elimu ya sekondari katika Shule ya Sekondari Imboru, Wilaya ya Mbulu kati ya mwaka 1989-1992. Mnamo 1994-1996, alihitimu mafunzo ya ualimu ngazi ya cheti kutoka Chuo cha Ualimu Monduli, Mkoa wa Arusha. Mwaka 2012-2013, alihitimu stashahada ya Uongozi na Utawala kutoka Chuo cha ESAMI, Mkoa wa Arusha. NDOA NA FAMILIA Mnamo tarehe 17 Septemba 2005, Ester Alexander Mahawe alifunga ndoa na Alexander Samson. Ndoa yao ilijaliwa watoto watatu wa kuwazaa: wavulana wawili na msichana mmoja. Aidha, aliwalea watoto wengine sita na hivyo kuacha jumla ya watoto tisa pamoja na wajukuu tisa. KAZI NA UZOEFU Huduma ya Ualimu: 1996-1997: Mh. Ester alikuwa mwalimu katika St. Constantine International Sch...
Endelea kusoma

CONSTRUCTION OF THE ISONGOLE-ISOKO ASPHALT ROAD IS NOW OFFICIAL, CONTRACTOR INTRODUCED TO THE PUBLIC

Picha
  The government has officially announced the commencement of the construction of the Isongole II – Ibungu – Isoko asphalt road, covering a distance of 52.419 kilometers, with the project contractor, China Road and Bridge Corporation (CRBC), introduced to the public. Speaking today, March 7, 2025, to the residents of Isongole Ward in Ileje District, the Deputy Minister of Works, Engineer Godfrey Kasekenya, stated that President Samia Suluhu Hassan’s government has approved and allocated funds for the construction, despite misleading claims from some individuals who alleged that the project would not be implemented. He added that the government has already disbursed TZS 7.2 billion as an initial payment to the contractor, while the total cost of the project exceeds TZS 75 billion. Deputy Minister Kasekenya, who is also the Member of Parliament for Ileje, emphasized that infrastructure improvement, particularly roads, is a major catalyst for development, especially for the youth. ...
Endelea kusoma

*KUNDO AGOMA KUWEKA JIWE LA MSINGI MRADI WA MAJI VWAWA-MLOWO

Picha
  Naibu Waziri wa Maji, Mhandisi Kundo Mathew, amegoma kuweka jiwe la msingi la mradi wa maji wa Vwawa-Mlowo uliopo Mkoani Songwe, unaotekelezwa na Mkandarasi Mzawa wa kampuni ya Current Construction Ltd ya Jijini Dar es salaam  mpaka changamoto zilizopo zitakapo tatuliwa. Mhandisi Kundo amesema kuwa, changamoto hizo ni pamoja na  kazii kufanyika chini ya kiwango kilichokubaliwa.  Kufuatia hali hiyo, Mhandisi Kundo ameiagiza bodi ya Vwmwassa na RUWASA kuhakikisha kwamba wanamsimamia mkandarasi huyo,  ili aweze kufanya marekebisho kwa kasoro zote zilizobainika. Mhandisi Kundo amechukua uamuzi huo leo Januari 14, 2025 katika siku ya pili ya ziara yake ya siku mbili Mkoani Songwe, baada ya kusomewa taarifa ya maendeleo ya utekeleza kutoka kwa Mkurugenzi Mtendaji wa Mamlaka ya Maji Safi na Usafi wa Mazingira Vwawa-Mlowo (Vwamwassa), Mhandisi Clavery Casmir. "Niko tayari kupewa majina mabaya, lakini kwa mradi huu siwezi kuweka jiwe la msingi mameneja wa Wilaya, hata ...
Endelea kusoma