DC AWATAKA SKAUTI KUFANYA KAZI KWA WELEDI KWANI NDIO SIRI YA MAFANIKIO YAO



Mkuu wa Wilaya ya Mbozi (DC), Esther Mahawe amewataka wahitimu wa mafunzo ya skauti wilayani humo kuweka vizuri njozi zao na kutamani kuwa watu wa viwango vya juu bila kujali hali za maisha walizotoka katika familia zao.


Pia, amewaasa kuwa kufanya kazi kwa bidii na nidhamu ni nguzo ya mafanikio katika maisha.


Mkuu huyo wa Wilaya ameeleza hayo leo Alhamisi Juni 8, 2023 wakati akifunga mafunzo ya skauti  katika wilaya hiyo.


Jumla ya vijana 119 walioweka kambi katika Shule ya Sekondari Vwawa  wamehitimu mafunzo ya skauti kutoka katika maeneo mbalimbali ya wilaya hiyo.


Akihitimisha mafunzo hayo, DC Mahawe ambaye alikuwa mgeni rasmi katika hafla hiyo amewaambia wahitimu hao "Hata ninyi mnaweza haijalishi background za familia zenu, iweke vizuri njozi kuwa unataka kuwa nani badaye, 


Nakuhakikishi ukimuomba Mungu, ukifanya kazi kwa bidii, ukisoma kwa bidii utaishika njozi yako ndani ya muda mfupi sana" amesema 


Amesema ili waweze kufanikiwa wanapaswa kutamani kuwa watu wa viwango vya juu.


"Tamani kuwa mtu wa viwango vya juu. Jitahidini sana na someni kwa bidii" amesisitiza 


Amewataka wahitimu wa kike kuepuka tamaa ambazo zinaweza kusababisha kuingia kwenye mahusiano ambayo yanaweza kukatisha ndoto zao za elimu.


"Watoto wa kike ninyi ni tumaini la taifa, focus kwenye njozi yako, soma kwa bidii na fikia njozi yako utakuja kuolewa huko badaye" amewasihi


Katika risala ya Chama Cha Skauti Tanzania Wilaya ya Mbozi iliyosomwa kwa mgeni  rasmi wamesema kuwa miongoni mwa malengo ya Chama hicho ni kuwalea vijana ili waweze kupambana na maisha yao na kuamsha uzalendo kwa vijana pamoja na kujiwekeza katika miradi mbalimbali ili kujikwamua.


Pia chama hicho kimewaomba viongozi, wadau kuunga mkono juhudi zinazofanywa na chama hicho cha skauti.


Mhitimu wa mafunzo hayo ambaye pia ni mwanafunzi wa kidato cha tano Shule ya Sekondari Vwawa, Beauty Brayton amesema kuwa mafunzo hayo yamewajenga kimwii na kiafya.


"Tumepata mafunzo ambayo yametujenga kimwili na kiafya" 


Amesema kuwa watakwenda kufanyia kazi nasaha  walizopewa na Mkuu wa Wilaya huku wakiwashukuru wote waliosaidia kufanikisha mafunzo hayo.

Maoni

Chapisha Maoni

Machapisho maarufu kutoka blogu hii

UDUMAVU BADO TISHIO -DUGANGE

Picha
  NAIBU Waziri wa Nchi Ofisi ya Rais Tawala za Mikoa na Serikali za Mitaa (TAMISEMI) anayeshughulikia Afya, Dk Festo Dugange amesema takwimu zinaonesha kuwa kiwango cha udumavu kwa watoto wenye umri chini ya miaka mitano bado ni kikubwa ambapo kwa Mkoa wa Kigoma ni asilimia 27.1, Katavi asilimia 32.2, Njombe asilimia 50.4, Songwe asilimia 31.9 na Rukwa asilimia 49.8. Amesema hayo katika hafla ya kusaini hati za makubaliano ya utekelezaji wa mradi wa lishe unaofadhiliwa na Shirika la Misaada la Watu wa Marekani (USAID) iliyofanika leo Mei 07, 2024 katika Ukumbi wa Sokoine jijini Dodoma. Dk Dugange amesema viwango vya matatizo ya lishe nchini vimeendelea kupungua mwaka hadi mwaka ambapo kwa mwaka 2022 kiwango cha udumavu nchini ni asilimia 30 ikilinganishwa na asilimali 34 mwaka 2015. Aidha, naibu waziri huyo amesema tunapaswa kuendelea kuhamasisha ulaji wa chakula mchanganyiko chenye virutubisho na kuzingatia mtindo bora wa maisha. “tuweke kipaumbele katika kuimarisha usafi wa mazin...
Endelea kusoma

SONGWE JOGGING WARUDI NA MEDANI ZAIDI YA KUMI NA TANO TULIA MARATHON

Picha
  Klabu ya Jogging ya Mkoa wa Songwe maarufu kama lango la SADC wamefanikiwa kurudi na medani  zaidi ya kumi na tano baada ya kushiriki Tulia Marathon Mkoani Mbeya. Klabu hiyo iliweza kushiriki mbio fupi na ndefu zilizofanyika Uwanja wa michezo wa sokoine uliopo Jijini Mbeya ambapo zaidi ya washiriki takribani 500 walishiriki, Mkoa wa Songwe ukiongozwa na Afisa Elimu Mkoa wa Songwe Michael Lighola pamoja na Viongozi mbalimbali. Akiongea baada ya kumalizika kwa mbio hizo Lighola amesema amefurahi sana kwa Songwe kushiriki mbio hizo kwa zimewapa ujuzi na kuwakutanisha na wadau mbalimbali hivyo Mkoa Songwe unakwenda kuandaa mbio za Kimondo day kwa utaalamu zaidi na watawaalika wadau wengi zaidi. "Kiukweli hizi mbio zimetujenga sana na niwapongeze wote walioshiriki mbio hizi toka Songwe wameonyesha umoja na kujitokeza kwa wingi" Amesema Lughola Kwa upande wa mratibu wa Tulia Marathon upande Songwe Jogging  Charles Mwamlima amesema kuwa washiriki wote wa Mkoa wa Songwe walikuw...
Endelea kusoma

MOMBA HAWANA JAMBO DOGO: ROUTE VIONGOZI NA WANANCHI WAKUTANA PAMOJA ROUTER MATCH YANOGA

Picha
  Hapa kuna toleo lililoboreshwa la habari kuhusu tukio la Route Match, likizingatia lengo la kuhamasisha wananchi kujitokeza kujiandikisha na kushiriki Uchaguzi wa Serikali za Mitaa: Viongozi wa Mkoa na Wilaya Wakutana Msangano kwa Route Match Ili Kuhamasisha Usajili na Ushiriki wa Uchaguzi wa Serikali za Mitaa Katika tukio la kipekee lililofanyika Tarafa ya Msangano, viongozi wa Mkoa wa Songwe na Wilaya ya Momba walikusanyika kushiriki mbio za Route Match, tukio lililolenga kuhamasisha wananchi kujitokeza kwa wingi kujiandikisha kwenye Daftari la Kudumu na kushiriki kikamilifu katika Uchaguzi wa Serikali za Mitaa unaokuja. Mchezo huu wa mbio uliwavutia washiriki wengi kutoka maeneo mbalimbali, huku ukitoa fursa kwa viongozi na wananchi kushiriki kwa pamoja kwa ajili ya kuimarisha afya, mshikamano, na utayari wa kidemokrasia. Mkurugenzi wa Halmashauri ya Momba, Fabian Manoza, alipongeza mafanikio ya tukio hilo na akasisitiza umuhimu wa wananchi kujiandikisha mapema na kutambua hak...
Endelea kusoma