KIGAHE: TRA WAFUATENI WAFANYABIASHARA MAENEO YAO MUWAPE ELIMU

 


 Naibu Waziri wa Viwanda na Biashara, Exaud Kigahe amewataka watumishi wa Mamlaka ya Mapato Tanzania (TRA) Mkoa wa Songwe kuwafwata wafanyabiashara kagika maeneo yao ili kuwapa elimu na kujadiliana namna ya kulipa kodi badala ya kuwasubiria wafanyabiashara kuja ofisini.


Kigahe ameyoa agizo hilo leo Jumatano Agosti 10, 2023 wakati wa mkutano wake na  baadhi ya  wafanyabiashara wa mkoa huo mjini Vwawa.


"Mimi nadhani muende katika maeneo yao ya biashara badala ya kuwasubiri wafanyabiashara kuja ofisini" amesema na kuongeza;


"Tutoke tukawaelimishe watu. Naona mkienda katika maeneo ya wafanyabiashara mtatoa elimu na kukubaliana namna ya kupanga kodi na utaratibu huo utakuwa na matokeo chanya" amesema 


Akizungumza katika mkutano huo Kaimu Meneja wa TRA Mkoa wa Songwe, Aderick Alphonce  amesema kuwa wamepokea maagizo hayo na wanakwenda kuyafanyia kazi.


"Kuanzia sasa tutakuwa tunakuja katika biashara zenu kutoa elimu na msiwaogope maofisa wa TRA" ameahidi Kaimu Meneja huyo wa TRA.


Akizungumzia kuhusu changamoto ya Barabara ya Tanzam, Katibu Tawala wa Wilaya ya Mbozi (DAS), Mbwana Kambangwa amesema kuwa barabara hiyo imeanza ujenzi wake ambapo ikikamilika itatatua changamoto ya usafirishaji.


"Changamoto ya barabara kutoka Igawa mkoa wa Mbeya mpaka Tunduma mkoa wa Songwe inajengwa kwa thamani ya Sh1.1 trilioni na itajengwa kwa kiwango cha kimataifa. Tunamshukuru sana Rais Samia Suluhu Hassan kwa kufanikisha hili" amesema Katibu Tawala huyo.


Baadhi ya wafanyabiashara wameiomba Serikali kupitia halmashauri kupunguza kodi na tozo mbalimbali ili kuwafanya wafanyabiashara hao kulipa kodi.


Pia, wameiomba Mamlaka ya Mapato Tanzania (TRA) kutoa elimu ya mlipa kodi pamoja na kujenga urafiki na wafanyabiashara hao.


Mwenyekiti wa Wafanyabiashara ndogondogo maarufu machinga Mkoa wa Songwe, Kelvin Kyando amesema kuwa kumekuwa na kodi zisizo na usawa ambazo zinawakimbiza wafanyabiashara wengi.


"TRA wawe na tabia ya kutoa elimu kwa wafanyabiashara waweze kulipa kodi kwa urahisi. Pia watengeneze mazingira rafiki kwa wafanyabiashara" amesema Kyando


Naye mfanyabiashara Georgina Chaula ameiomba Halmashauri kupunguza kodi kwa wafanyabiashara wadogo.


Kwa upande wake mfanyabiashara wa mchele amesema kuwa hakuna soko maalumu la mchele katika mji wa Vwawa pamoja na pumba hivyo kuomba kutengewe eneo maalumu.


Naibu Waziri Kigahe yupo kwenye ziara ya siku mbili katika Mkoa wa Songwe ambapo jana alitembelea Kituo cha Pamoja cha Forodha cha Mpaka Tunduma katika mpaka wa Tanzania na Zambia.

Maoni

Chapisha Maoni

Machapisho maarufu kutoka blogu hii

UDUMAVU BADO TISHIO -DUGANGE

Picha
  NAIBU Waziri wa Nchi Ofisi ya Rais Tawala za Mikoa na Serikali za Mitaa (TAMISEMI) anayeshughulikia Afya, Dk Festo Dugange amesema takwimu zinaonesha kuwa kiwango cha udumavu kwa watoto wenye umri chini ya miaka mitano bado ni kikubwa ambapo kwa Mkoa wa Kigoma ni asilimia 27.1, Katavi asilimia 32.2, Njombe asilimia 50.4, Songwe asilimia 31.9 na Rukwa asilimia 49.8. Amesema hayo katika hafla ya kusaini hati za makubaliano ya utekelezaji wa mradi wa lishe unaofadhiliwa na Shirika la Misaada la Watu wa Marekani (USAID) iliyofanika leo Mei 07, 2024 katika Ukumbi wa Sokoine jijini Dodoma. Dk Dugange amesema viwango vya matatizo ya lishe nchini vimeendelea kupungua mwaka hadi mwaka ambapo kwa mwaka 2022 kiwango cha udumavu nchini ni asilimia 30 ikilinganishwa na asilimali 34 mwaka 2015. Aidha, naibu waziri huyo amesema tunapaswa kuendelea kuhamasisha ulaji wa chakula mchanganyiko chenye virutubisho na kuzingatia mtindo bora wa maisha. “tuweke kipaumbele katika kuimarisha usafi wa mazin...
Endelea kusoma

SONGWE JOGGING WARUDI NA MEDANI ZAIDI YA KUMI NA TANO TULIA MARATHON

Picha
  Klabu ya Jogging ya Mkoa wa Songwe maarufu kama lango la SADC wamefanikiwa kurudi na medani  zaidi ya kumi na tano baada ya kushiriki Tulia Marathon Mkoani Mbeya. Klabu hiyo iliweza kushiriki mbio fupi na ndefu zilizofanyika Uwanja wa michezo wa sokoine uliopo Jijini Mbeya ambapo zaidi ya washiriki takribani 500 walishiriki, Mkoa wa Songwe ukiongozwa na Afisa Elimu Mkoa wa Songwe Michael Lighola pamoja na Viongozi mbalimbali. Akiongea baada ya kumalizika kwa mbio hizo Lighola amesema amefurahi sana kwa Songwe kushiriki mbio hizo kwa zimewapa ujuzi na kuwakutanisha na wadau mbalimbali hivyo Mkoa Songwe unakwenda kuandaa mbio za Kimondo day kwa utaalamu zaidi na watawaalika wadau wengi zaidi. "Kiukweli hizi mbio zimetujenga sana na niwapongeze wote walioshiriki mbio hizi toka Songwe wameonyesha umoja na kujitokeza kwa wingi" Amesema Lughola Kwa upande wa mratibu wa Tulia Marathon upande Songwe Jogging  Charles Mwamlima amesema kuwa washiriki wote wa Mkoa wa Songwe walikuw...
Endelea kusoma

MOMBA HAWANA JAMBO DOGO: ROUTE VIONGOZI NA WANANCHI WAKUTANA PAMOJA ROUTER MATCH YANOGA

Picha
  Hapa kuna toleo lililoboreshwa la habari kuhusu tukio la Route Match, likizingatia lengo la kuhamasisha wananchi kujitokeza kujiandikisha na kushiriki Uchaguzi wa Serikali za Mitaa: Viongozi wa Mkoa na Wilaya Wakutana Msangano kwa Route Match Ili Kuhamasisha Usajili na Ushiriki wa Uchaguzi wa Serikali za Mitaa Katika tukio la kipekee lililofanyika Tarafa ya Msangano, viongozi wa Mkoa wa Songwe na Wilaya ya Momba walikusanyika kushiriki mbio za Route Match, tukio lililolenga kuhamasisha wananchi kujitokeza kwa wingi kujiandikisha kwenye Daftari la Kudumu na kushiriki kikamilifu katika Uchaguzi wa Serikali za Mitaa unaokuja. Mchezo huu wa mbio uliwavutia washiriki wengi kutoka maeneo mbalimbali, huku ukitoa fursa kwa viongozi na wananchi kushiriki kwa pamoja kwa ajili ya kuimarisha afya, mshikamano, na utayari wa kidemokrasia. Mkurugenzi wa Halmashauri ya Momba, Fabian Manoza, alipongeza mafanikio ya tukio hilo na akasisitiza umuhimu wa wananchi kujiandikisha mapema na kutambua hak...
Endelea kusoma