TAKUKURU SONGWE YATOA TAARIFA YAKE YA MIEZI MITATU



Taasisi ya Kuzuai na Kupambana na Rushwa Mkoa wa Songwe imewataka wananchi katika mkoa huo kutoa ushirikiano wa taarifa za rushwa kwa kuwa ipo sheria ya kuwalinda watoa taarifa hizo.


Pia, imesema kuwa zipo sheria ambazo zinawabana maofisa wa taasisi hiyo kutoweka wazi wanaowapa taarifa za rushwa hivyo wananchi wasiogope kutoa taarifa pale wanapobaini kuwa kuna viashiria vya rushwa hasa kwenye miradi ya maendeleo.


Hayo yamesemwa leo Alhamisi Agosti 3, 2023 na Mkuu Takukuru Mkoa wa Songwe, Edings Mwakambonja wakati akitoa taarifa ya ufuatiliaji wa miradi ya maendeleo kwa kipindi cha mwezi Aprili hadi Juni mwaka huu kwa waandishi wa habari.


Amesema kuwa Takukuru Rafiki imesaidia kuiweka taasisi hiyo karibu na wananchi kutokana na elimu wanayoitoa ambayo imesaidia wananchi kuondoa hofu.


“Katika kipindi cha Aprili mpaka Juni tumefanikiwa kufika katika kata 15 kutoa elimu na kusikiliza kero za wananchi. Kero 84 zilitolewa na kati ya hizo kero 41 zilishatatuliwa na zilizobaki zinaendelea kushughulikiwa” amesema 

“Kwa sasa wananchi wanaelewa na wanatoa ushirikiano hasa katika kata tulizoenda kutoa elimu na kusikiliza kero zao. Kuhusu kuwalinda wanaotoa taarifa za rushwa kuna sharia za kuwalinda hivyo wananchi wasiogope watupe taarifa” amesisitiza 

Mwakambonja amesema taasisi hiyo ipo kwenye utekelezaji wa kutoa elimu kupitia Takukuru Rafiki katika kata zote 94 za mkoa wa Songwe ambapo mpango huo ni endelevu.

Akizungumzia juu ya uchunguzi na mashtaka katika kipindi hicho cha miezi mitatu, Mkuu huyo wa Takukuru Mkoa wa Songwe amesema kuwa kati ya kesi mpya 14 zilizofunguliwa mahakamani kesi nne zimeamuliwa na kesi zote nne washtakiwa walitiwa hatiani.


Amesema kuwa taasisi hiyo ilipokea malalamiko 33 ambapo 23 yalikuwa yanahusu rushwa huku 10 yakiwa hayahusu rushwa katika kipindi cha miezi mitatu.


“Kesi mpya 14 zilifunguliwa mahakamani ambapo kesi 10 zinaendelea na kesi nne ziliamuliwa. Kesi zote nne washtakiwa walitiwa hatiani na kurejesha fedha” amebainisha

Maoni

Chapisha Maoni

Machapisho maarufu kutoka blogu hii

UDUMAVU BADO TISHIO -DUGANGE

Picha
  NAIBU Waziri wa Nchi Ofisi ya Rais Tawala za Mikoa na Serikali za Mitaa (TAMISEMI) anayeshughulikia Afya, Dk Festo Dugange amesema takwimu zinaonesha kuwa kiwango cha udumavu kwa watoto wenye umri chini ya miaka mitano bado ni kikubwa ambapo kwa Mkoa wa Kigoma ni asilimia 27.1, Katavi asilimia 32.2, Njombe asilimia 50.4, Songwe asilimia 31.9 na Rukwa asilimia 49.8. Amesema hayo katika hafla ya kusaini hati za makubaliano ya utekelezaji wa mradi wa lishe unaofadhiliwa na Shirika la Misaada la Watu wa Marekani (USAID) iliyofanika leo Mei 07, 2024 katika Ukumbi wa Sokoine jijini Dodoma. Dk Dugange amesema viwango vya matatizo ya lishe nchini vimeendelea kupungua mwaka hadi mwaka ambapo kwa mwaka 2022 kiwango cha udumavu nchini ni asilimia 30 ikilinganishwa na asilimali 34 mwaka 2015. Aidha, naibu waziri huyo amesema tunapaswa kuendelea kuhamasisha ulaji wa chakula mchanganyiko chenye virutubisho na kuzingatia mtindo bora wa maisha. “tuweke kipaumbele katika kuimarisha usafi wa mazin...
Endelea kusoma

SONGWE JOGGING WARUDI NA MEDANI ZAIDI YA KUMI NA TANO TULIA MARATHON

Picha
  Klabu ya Jogging ya Mkoa wa Songwe maarufu kama lango la SADC wamefanikiwa kurudi na medani  zaidi ya kumi na tano baada ya kushiriki Tulia Marathon Mkoani Mbeya. Klabu hiyo iliweza kushiriki mbio fupi na ndefu zilizofanyika Uwanja wa michezo wa sokoine uliopo Jijini Mbeya ambapo zaidi ya washiriki takribani 500 walishiriki, Mkoa wa Songwe ukiongozwa na Afisa Elimu Mkoa wa Songwe Michael Lighola pamoja na Viongozi mbalimbali. Akiongea baada ya kumalizika kwa mbio hizo Lighola amesema amefurahi sana kwa Songwe kushiriki mbio hizo kwa zimewapa ujuzi na kuwakutanisha na wadau mbalimbali hivyo Mkoa Songwe unakwenda kuandaa mbio za Kimondo day kwa utaalamu zaidi na watawaalika wadau wengi zaidi. "Kiukweli hizi mbio zimetujenga sana na niwapongeze wote walioshiriki mbio hizi toka Songwe wameonyesha umoja na kujitokeza kwa wingi" Amesema Lughola Kwa upande wa mratibu wa Tulia Marathon upande Songwe Jogging  Charles Mwamlima amesema kuwa washiriki wote wa Mkoa wa Songwe walikuw...
Endelea kusoma

MOMBA HAWANA JAMBO DOGO: ROUTE VIONGOZI NA WANANCHI WAKUTANA PAMOJA ROUTER MATCH YANOGA

Picha
  Hapa kuna toleo lililoboreshwa la habari kuhusu tukio la Route Match, likizingatia lengo la kuhamasisha wananchi kujitokeza kujiandikisha na kushiriki Uchaguzi wa Serikali za Mitaa: Viongozi wa Mkoa na Wilaya Wakutana Msangano kwa Route Match Ili Kuhamasisha Usajili na Ushiriki wa Uchaguzi wa Serikali za Mitaa Katika tukio la kipekee lililofanyika Tarafa ya Msangano, viongozi wa Mkoa wa Songwe na Wilaya ya Momba walikusanyika kushiriki mbio za Route Match, tukio lililolenga kuhamasisha wananchi kujitokeza kwa wingi kujiandikisha kwenye Daftari la Kudumu na kushiriki kikamilifu katika Uchaguzi wa Serikali za Mitaa unaokuja. Mchezo huu wa mbio uliwavutia washiriki wengi kutoka maeneo mbalimbali, huku ukitoa fursa kwa viongozi na wananchi kushiriki kwa pamoja kwa ajili ya kuimarisha afya, mshikamano, na utayari wa kidemokrasia. Mkurugenzi wa Halmashauri ya Momba, Fabian Manoza, alipongeza mafanikio ya tukio hilo na akasisitiza umuhimu wa wananchi kujiandikisha mapema na kutambua hak...
Endelea kusoma