AGIZO LA WAZIRI WA UJENZI LATEKELEZWA KWA VITENDO SONGWE

 


Wakala ya Barabara Tanzania (TANROADS) imetekeleza kwa mafanikio maagizo ya Wizara ya Ujenzi yanayolenga kupunguza changamoto ya msongamano katika barabara ya TANZAM, hususan eneo la Tunduma, maagizo ambayo yalitolewa Novemba 18, 2024 na Waziri wa Ujenzi Mheshimiwa Innocent 

Meneja wa TANROADS Mkoa wa Songwe, Mhandisi Suleiman Bishanga, amesema juhudi hizo ni matokeo ya mwongozo uliotolewa na Serikali ya Awamu ya Sita inayoongozwa na Rais Mheshimiwa Dkt. Samia Suluhu Hassan kupitia Waziri wa Ujenzi, Mheshimiwa Innocent Bashungwa.


"Waziri alitoa maagizo ya kutafuta suluhisho la haraka, na kwa kushirikiana na TANROADS Mkoa wa Mbeya, tumefanikisha kupunguza msongamano mkubwa uliokuwa ukisababisha usumbufu kwa madereva," alisema Mhandisi Bishanga. 


             

Hatua zilizochukuliwa ni pamoja na kuweka mizani ya ziada inayohamishika (mobile weighbridge) kwa ajili ya kupima magari yanayotoka Tunduma kwenda Dar es Salaam, uimarishaji wa usimamizi wa magari kupitia mfumo wa mizani ya kupima magari yakiwa kwenye mwendo (weigh in motion) na kwa kushirikiana na Jeshi la Polisi kuhakikisha magari yanayosubiri huduma hayakai kwa muda mrefu. 


Aidha Mhandisi Bishanga amesema, ujenzi wa maegesho mapya katika eneo la Chimbuya unaendelea kwa kasi kama sehemu ya mikakati endelevu ya kupunguza msongamano katika barabara hiyo.


Pia, utaratibu mpya wa magari kufanya mzunguko katika kata ya Chipaka kurudi Tunduma umeanza kutekelezwa, hatua iliyopokelewa vizuri na madereva. 

 

Madereva mbalimbali wanaotumia barabara hiyo wametoa maoni yao kufuatia hatua zilizochukuliwa.


Said Hassan ambaye Dereva wa gari ya mizigo

ameeleza,


"Msongamano umepungua sana. Hii imetusaidia kuepuka usumbufu na ajali." 


Dereva mwingine Beatus Komba  amesema,


"Mizani ya ziada imerahisisha safari zetu na kupunguza adha tulizokuwa tunapata kwa kusubiri muda mrefu. Tunashukuru Serikali kwa uamuzi huu."


Itakumbukwa kuwa Waziri Bashungwa alielekeza kuongeza mizani mitatu katika eneo la Mpemba ili kupunguza msongamano huo.


Hadi sasa, hatua zilizochukuliwa zimeleta mabadiliko makubwa na zikionesha dhamira ya Serikali kuboresha miundombinu na huduma kwa wananchi. 


Kwa ujumla, jitihada hizi zimeonesha jinsi Serikali  inavyoweza kuleta suluhisho la haraka na la kudumu kwa changamoto za usafiri.


Kupungua kwa msongamano katika barabara ya TANZAM ni ushahidi wa uongozi madhubuti unaolenga kuboresha maisha ya wananchi.

Comments

Post a Comment

Popular posts from this blog

ASKARI WATATU KITUO CHA TUNDUMA MAHAKAMANI KWA KWA RUSHWA

Image
  ASKARI Polisi watatu wa kituo cha Tunduma, Wilaya ya Momba, Mkoani Songwe, wamefikishwa mahakamani kwa mashitaka ya kuomba na kupokea rushwa kiasi cha shilingi million 55. Taasisi ya Kuzuia na Kupambana na Rushwa (TAKUKURU) Mkoa wa Songwe imewafikisha askari hao, leo Juni 4, 2024 katika mahakama ya Wilaya ya Momba iliyopo eneo la Chapwa, Mjini Tunduma. Askari hao ambao tayari wameshafukuzwa kazi na jeshi la polisi kabla ya kukamatwa na Takukuru kisha kufikishwa mahakamani hapo ni Koplo Enock Marando (43), Koplo Samson Kalebe (38), pamoja na Konstebo wa polisi Zawad Malakasuka (39). Mbele ya Hakimu Mkazi Mfawidhi wa Mahakama ya Wilaya ya Momba, Timoth Lyon, mwendesha mashitaka wa Takukuru Mkoa wa Songwe, Simona Mapunda, alidai kuwa washitakiwa walitenda makosa hayo, Machi 7 mwaka huu katika mpaka wa tunduma. Mapunda alidai kuwa, siku ya tukio washitakiwa wakiwa ni waajiriwa wa jeshi la polisi waliomba rushwa ya shilingi milioni 55 ambapo ni kinyume na kifungu cha 15 (1) na (2) cha...
Read more

MFANYAKAZI NMB AFARIKI KWA KUJINYONGA

Image
  MFANYAKAZI wa Benki ya NMB tawi la Nkasi katika wilaya Nkasi mkoani Rukwa John Maduhu (32) mkazi wa Majengo mjini Namanyere amekutwa amekufa nyumbani kwake kwa kujinyonga kwa kamba. Akizungumzia tukio hilo mwenyekiti wa mtaa wa Majengo soko kuu William Katutu alisema kuwa tukio hilo limegundulika jana asubuhi ya Mei 10,2024 majira ya saa 3 asubuhi na wafanyakazi wa benki hiyo baada ya mfanyakazi mwenzao kutoonekana ofisini asubuhi. Alisema kuwa tukio hilo liligundulika baada ya kuchungulia dirishani katika nyumba aliyokuwa akiishi marehemu ndipo walipouona mwili ukining’inia kwenye mlango wa chumbani kwake katika nyumba aliyokuwa akiishi. Mwenyekiti huyo wa mtaa amedai kuwa baada ya hilo walitoa taarifa Polisi ambao walivunja mlango na kuingia ndani na kumkuta marehemu akiwa amejining’iniza juu ya mlango wa chumbani kwa kutumia kamba ya jiko la umeme. Afisa mtendaji wa mtaa huo wa Majengo Flora Mbaule amekiri kutokea kwa tukio hilo na kuwa katika vipimo vilivyotolewa na Daktari i...
Read more