NAIBU WAZIRI WA MAJI AZINDUA VISIMA VILIVYOJENGWA NA MBUNGE MWENISONGOLE MILIONI 65

Naibu Waziri wa Maji, Mhandisi Kundo Mathew, amezindua mradi wa visima viwili vilivyojengwa kwa juhudi za Mbunge wa Jimbo la Mbozi, Mheshimiwa George Mwenisongole, kwa kushirikiana na wadau mbalimbali. Visima hivyo vyenye thamani ya shilingi milioni 65 vimejengwa katika vijiji vya Ileya na Sambewe vilivyopo Kata ya Itumpi, na vinatarajiwa kuhudumia zaidi ya wananchi 4,068.


Akizungumza wakati wa uzinduzi huo, Mbunge Mwenisongole alimshukuru Naibu Waziri kwa kukubali mwaliko wake na kuwa kiongozi wa kwanza wa ngazi hiyo kutembelea vijiji hivyo tangu uhuru. Alisema visima hivyo ni sehemu ya juhudi za kuunga mkono kampeni ya Mheshimiwa Rais Dkt. Samia Suluhu Hassan ya kumtua mama ndoo kichwani.

"Niliona mateso ya wananchi wangu, hususan kina mama waliokuwa wakitegemea maji ya mvua kwa msimu mzima. Leo hii tumewapa suluhisho la kudumu kwa visima hivi, ambavyo ni historia kwao. Natoa shukrani kwa wadau wote waliosaidia kufanikisha mradi huu," alisema Mwenisongole.

Kwa upande wake, Naibu Waziri Kundo aliwapongeza wananchi wa Ileya na Sambewe kwa kuwa na mbunge mwenye maono. Aliwasihi kutothubutu kumuacha Mbunge Mwenisongole katika uchaguzi ujao, kwani amedhihirisha kuwa kiongozi wa mfano kwa kutumia rasilimali zake binafsi na kushirikiana na wadau katika kuwahudumia wananchi.


"Mbunge wenu ni wa mfano. Kazi hii ni ya kuigwa. Visima hivi ni ushahidi wa dhati wa kujituma kwake na kujali ustawi wa wananchi," alisema Mhandisi Kundo.


Aidha, Naibu Waziri aliagiza Mamlaka ya Majisafi na Usafi wa Mazingira Vijijini (RUWASA) Mkoa wa Songwe kuhakikisha visima hivyo vinasambaza maji kwa wananchi ili huduma hiyo iwafikie kwa urahisi zaidi.

Mradi huo umeleta matumaini mapya kwa wananchi wa Ileya na Sambewe, ambao kwa muda mrefu wamekuwa wakikabiliwa na changamoto ya uhaba wa maji safi na salama.

Comments

Post a Comment

Popular posts from this blog

ASKARI WATATU KITUO CHA TUNDUMA MAHAKAMANI KWA KWA RUSHWA

Image
  ASKARI Polisi watatu wa kituo cha Tunduma, Wilaya ya Momba, Mkoani Songwe, wamefikishwa mahakamani kwa mashitaka ya kuomba na kupokea rushwa kiasi cha shilingi million 55. Taasisi ya Kuzuia na Kupambana na Rushwa (TAKUKURU) Mkoa wa Songwe imewafikisha askari hao, leo Juni 4, 2024 katika mahakama ya Wilaya ya Momba iliyopo eneo la Chapwa, Mjini Tunduma. Askari hao ambao tayari wameshafukuzwa kazi na jeshi la polisi kabla ya kukamatwa na Takukuru kisha kufikishwa mahakamani hapo ni Koplo Enock Marando (43), Koplo Samson Kalebe (38), pamoja na Konstebo wa polisi Zawad Malakasuka (39). Mbele ya Hakimu Mkazi Mfawidhi wa Mahakama ya Wilaya ya Momba, Timoth Lyon, mwendesha mashitaka wa Takukuru Mkoa wa Songwe, Simona Mapunda, alidai kuwa washitakiwa walitenda makosa hayo, Machi 7 mwaka huu katika mpaka wa tunduma. Mapunda alidai kuwa, siku ya tukio washitakiwa wakiwa ni waajiriwa wa jeshi la polisi waliomba rushwa ya shilingi milioni 55 ambapo ni kinyume na kifungu cha 15 (1) na (2) cha...
Read more

MFANYAKAZI NMB AFARIKI KWA KUJINYONGA

Image
  MFANYAKAZI wa Benki ya NMB tawi la Nkasi katika wilaya Nkasi mkoani Rukwa John Maduhu (32) mkazi wa Majengo mjini Namanyere amekutwa amekufa nyumbani kwake kwa kujinyonga kwa kamba. Akizungumzia tukio hilo mwenyekiti wa mtaa wa Majengo soko kuu William Katutu alisema kuwa tukio hilo limegundulika jana asubuhi ya Mei 10,2024 majira ya saa 3 asubuhi na wafanyakazi wa benki hiyo baada ya mfanyakazi mwenzao kutoonekana ofisini asubuhi. Alisema kuwa tukio hilo liligundulika baada ya kuchungulia dirishani katika nyumba aliyokuwa akiishi marehemu ndipo walipouona mwili ukining’inia kwenye mlango wa chumbani kwake katika nyumba aliyokuwa akiishi. Mwenyekiti huyo wa mtaa amedai kuwa baada ya hilo walitoa taarifa Polisi ambao walivunja mlango na kuingia ndani na kumkuta marehemu akiwa amejining’iniza juu ya mlango wa chumbani kwa kutumia kamba ya jiko la umeme. Afisa mtendaji wa mtaa huo wa Majengo Flora Mbaule amekiri kutokea kwa tukio hilo na kuwa katika vipimo vilivyotolewa na Daktari i...
Read more