WANAKWAYA WAFARIKI AJALINI NJOMBE

 

Ajali iliyohusisha basi dogo aina ya Toyota Coaster na lori lililobeba makaa ya mawe, imekatisha maisha ya watu watatu wakiwemo waimbaji wa Kwaya ya Vijana wa Kanisa Katoliki mkoani Njombe (UVIKANJO).

Kwa mujibu wa taarifa zilizopatikana kutoka eneo la tukio zinaeleza kuwa ajali hiyo imetokea usiku huu eneo la Igima wilayani Wanging'ombe mkoani Njombe.

Taarifa zinaeleza kuwa wanakwaya hao walikuwa njiani kwenda kuwatembelea watoto yatima katika kituo cha Ibumila kilichopo wilayani humo.

Kamanda wa Polisi Mkoa wa Njombe, Hamisi Issah amethibitisha kutokea kwa tukio hilo na kueleza kuwa kwa sasa wako eneo la tukio katika harakati za uokoaji.

“Ni kweli tukio hili limetokea kwa sasa tupo huku maporini bado tunaendelea na uokoaji, mvua ni kubwa na kazi ni ngumu taarifa kamili tutaitoa baadaye. Kuna majeruhi tumewawahisha hospitalini na vifo vipo,” amesema Issah.

Hata hivyo, habari ambazo hazijathibitishwa zinaeleza kuwa kuna idadi kubwa ya majeruhi kwenye ajali hiyo ambayo haijafahamika idadi kamili

Maoni

Chapisha Maoni

Machapisho maarufu kutoka blogu hii

UDUMAVU BADO TISHIO -DUGANGE

Picha
  NAIBU Waziri wa Nchi Ofisi ya Rais Tawala za Mikoa na Serikali za Mitaa (TAMISEMI) anayeshughulikia Afya, Dk Festo Dugange amesema takwimu zinaonesha kuwa kiwango cha udumavu kwa watoto wenye umri chini ya miaka mitano bado ni kikubwa ambapo kwa Mkoa wa Kigoma ni asilimia 27.1, Katavi asilimia 32.2, Njombe asilimia 50.4, Songwe asilimia 31.9 na Rukwa asilimia 49.8. Amesema hayo katika hafla ya kusaini hati za makubaliano ya utekelezaji wa mradi wa lishe unaofadhiliwa na Shirika la Misaada la Watu wa Marekani (USAID) iliyofanika leo Mei 07, 2024 katika Ukumbi wa Sokoine jijini Dodoma. Dk Dugange amesema viwango vya matatizo ya lishe nchini vimeendelea kupungua mwaka hadi mwaka ambapo kwa mwaka 2022 kiwango cha udumavu nchini ni asilimia 30 ikilinganishwa na asilimali 34 mwaka 2015. Aidha, naibu waziri huyo amesema tunapaswa kuendelea kuhamasisha ulaji wa chakula mchanganyiko chenye virutubisho na kuzingatia mtindo bora wa maisha. “tuweke kipaumbele katika kuimarisha usafi wa mazin...
Endelea kusoma

MBUNGE MOMBA KUTOA SHILINGI MILIONI 28 UJENZI WA OFISI ZA CCM KATA 14

Picha
 MBUNGE wa Jimbo la Momba Mkoani Songwe Mhe. Condester Sichalwe (Mundy) ametenga kiasi cha shilingi milioni 28 kwa ajili ya kuchangia ujenzi wa ofisi za CCM kwenye kata zote 14 za jimbo hilo. Akizungumza kwa nyakati tofauti kwenye vikao vya Halmashauri Kuu ya CCM kata za Nkangamo na Msangano, Mbunge Sichalwe amesema lengo la kutoa fedha hizo ni kuunga mkono shughuli za maendeleo za kujenga chama hicho. Akiwa mgeni mualikwa kwenye kikao hicho katibu wa CCM wilaya ya Momba Kataba Sukuru, amempongeza na kumshuru Mbunge Condester Schalwe kwa kutoa fedha hizo kwa madai kuwa anajenga chama kwa vitendo. “Tukushuru sana Mheshimiwa Mbunge jambo hili unalofanya nikubwa sana, kutoa milioni mbili kila kata si jambo dogo, inaonyesha ni jinsi gani unavyokipenda chama chetu, hakika wewe ni Mbunge wa mfano sana” Kataba. Kupitia mpango huo tayari Mbunge ametoa milioni Nne kwa kata mbili za Nkangano na Msangano, huku akiendelea na kata zingine, lengo ni kuona kata zote zinafikiwa na fedha hizo.
Endelea kusoma

BARAZA LA MADIWANI LAWAPONGEZA WALIMU UFAULU WA DARASA LA SABA

Picha
Baraza la Madiwani Halmashauri ya Wilaya ya Mbozi limewapongeza wanafunzi wa darasa la saba kwa kufanya vizuri na kuazimia kianzisha programu za mitihani ya wiki ikiwa ni mkakati wa kupandisha kupandisha ufaulu. Akizungumza katika kikao hicho cha Baraza la kupokea taarifa za Kata Mwanyekiti wa Halmashauri ya Wilaya ya Mbozi, Mhe. George Musyani amesema kuwa jitihada zilizofanywa na wataalamu kupandisha ufaulu zinatakiwa kutiliwa mkazo ili kuongeza kiwango cha ufaulu.   "Tutengeneze mkakati ambao tutakwenda nao mpaka mwakani ili watoto wetu wafaulu zaidi. Nawashukuru walimu kwa jitihada zao zilizowafanya wanafunzi hao kuongeza ufaulu kutoka asilimia 74 mpaka asilimia 81" amesema na kuongeza; "Twendeni kianzisha programu za mitihani ya kila mwisho wa wiki ambayo inaweza kufanyika kwa kushindanisha shule kwa shule ambayo itawafanya wasome kwa bidii. Tujitahidi kwenda kutoa elimu kwa wananchi wetu kuhusiana na suala hili ili wote tuwe na uelewa wa pamoja ili kusitokee manung...
Endelea kusoma