HABARI JAMII TANZANIA

  Mkurugenzi wa Mawasiliano ya Rais Ikulu Bi. Zuhura Yunus ameolewa na Fumbuka Nkwabi Mwanakilala katika ndoa iliyofungwa siku ya Alhamisi ya Desemba 29, 2022 ikiwa ni siku chache kabla ya kuukaribisha mwaka mpya wa 2023. Wawili hao wamefunga ndoa katika msikiti wa Maamur, Upanga Jijini Dar es Salaam.

  By Stephano Simbeye Mwandishi wa Habari Uhaba wa upatikanaji wa miche ya miti ya kupanda imewatia hofu wadau kutekeleza agizo la kupanda miti kwenye kaya. Songwe: Baadhi ya wadau wa mazingira katika halmashauri ya wilaya Mbozi mkoani Songwe, wamesema wanakwama kutekeleza agizo la Serikali la kuwataka kupanda miti mitano kwa kila kaya kutokana na kutopatikana kwa miche ya kupanda. Wananchi hao wameiambia Mwananchi leo Jumamosi Desemba 31, 2022 kuwa wameitikia mwito wa Serikali kuwataka wapande miti kwenye makazi yao lakini wakati mvua zikiendelea kunyesha hawajui wapi watapata miche ya miti ya kupanda. Mmoja wa wadau hao, Malick Nzowa ambaye pia ni diwani wa kata ya Hasanga wilayani hapa amesema amewahamasisha wananchi katika kata yake lakini kumekuwa na changamoto ya kupatikana kwa miche ya miti. “Baada ya kuona uhaba wa miche, wakazi wa kijiji cha London wameamua kupanda miche ya miti ya asili ya maeneo hayo bila kusubiri miche kutoka nje ya kijiji chao,” amesema Nzowa. Maria Athuma

NA RAHIM SECHA,SONGWE Mbunge wa Jimbo la Songwe Mhe. Philipo Mulugo ametoa shilingi milioni tatu (3,000,000) kwa ajili ya kusaidia umaliziaji wa soko la wajasiriamali lililopo Kata ya Chang'ombe Wilayani Songwe. Mbunge huyo ametoa fedha hizo akiwa kwenye ziara ya kusikiliza na kutatua kero za wananchi wa Kata ya Chang'ombe na Mbuyuni ambapo amesema amelazimika kutoa kiasi hicho kwani amekuwa akiumizwa wananchi wa eneo hilo kukosa soko wakati kuna wajasiriamali wengi. Aidha, Mhe. Mulugo amewaeleza fursa ya ujenzi wa barabara ya kiwango cha lami kutoka Mkwajuni kupitia Mwambani hadi kata ya Chang'ombe na Mbuyuni ambayo itajengwa na watu wa European Union kupitia mradi wa Agri Connect.

Na Raheem SECHA,Tunduma Mkuu wa Mkoa kwa Songwe Mhe. Waziri Waziri Kindamba leo Disemba 31, 2021 amepokea madarasa katika Wilaya ya Momba kwa niaba ya Mkoa wa Songwe Akiongea katika Hafla hiyo Mhe. Kindamba amesema ameridhishwa sana na ujenzi wa madarasa ndani ya mkoa wake na hususani hapa Halmashauri ya Mji Tunduma alipokuja kufanya uzinduzi ya kuyapokea madarasa kimkoa “Nawapongeza sana Halmashauri ya Mji Tunduma kwa kweli mmeitendea haki Pochi ya mama Samia, Nimeridhika sana na ujenzi wa madarasa yote 12 tena ninyi mmejiongeza zaidi mmejenga na ofisi hongereni sana”  alisisitiza Mhe. Kindamba Wakati akikagua vyumba vya madarasa hayo 12 Mhe. Kindamba ameeleza kuwa Madarasa yana Malumalu, madirisha ya Aluminum, Dari za kisasa (Gypsum board), miundombinu ya Umeme, na Madawati 50 kila darasa ni hatua nzuri sana na ndio maana anayaita ni madarasa ya kimataifa Katika hatua nyingine Mkuu wa Mkoa wa Songwe amewaalika wazazi kuwa ifikapo Januari 09, 2023 wanafunzi wote wanatakiwa kuanza maso

  Papa Benedict XVI amefariki dunia akiwa na umri wa miaka 95, katika makazi yake yaliyopo 'Monasteri ya Mater Ecclesiae', Vatican. Dar es Salaam. Dunia imekumbwa na pigo baada ya aliyekuwa kiongozi wa dini ya kikatoliki duniani, Papa Emeritus Benedict XVI kufariki dunia katika makazi yake Vatican akiwa na umri wa miaka 95. Kwa mujibu wa Ofisi ya Holy See Press Office, Benedict XVI amefariki katika makazi katika monasteri ya Mater Ecclesiae, ambayo aliichagua kama makazi baada ya kujiuzulu mwaka wa 2013. Wameeleza katika kipindi cha uhai wake Papa Benedict XVI aliongoza kanisa Katoliki kwa muda usiozidi miaka minane hadi, mwaka 2013, akawa Papa wa kwanza kujiuzulu tangu Gregory XII mwaka 1415. Papa Benedict XVI amefariki leo Desemba 31, 2022 ikiwa siku chache baada ya Papa Francis kuomba sala kwa ajili ya mtangulizi wake akisema alikuwa "mgonjwa sana" Ingawa Papa huyo wa zamani alikuwa mgonjwa kwa muda, taarifa zilisema amekuwa hali mbaya katika hali yake kwa sababu y

 

  Kutoka katika Mahakama ya Hakimu mkazi kisutu ni kwamba Mkurugenzi Mtendaji wa Kampuni ya JATU PLC, Peter Gasaya amefikishwa katika Mahakama ya Hakimu Mkazi Kisutu, kujibu shtaka moja la kujipatia Sh5.1 bilioni kwa njia ya udanganyifu. Gasaya anadaiwa kujipatia fedha hizo kutoka katika Saccos ya JATU kwa madai ya kuwa fedha hizo atazipanda kwenye kilimo ili kuzalisha faida zaidi, wakati akijua kuwa ni uongo. Mshtakiwa huyo amefikishwa mahakamani hapo leo Alhamisi Desemba 29, 2022 na kusomewa shtaka lake na wakili wa Serikali Tumaini Mafuru, mbele ya Hakimu Mkazi Mkuu, Mary Mrio. Akisomewa shtaka hilo, wakili Mafuru amedai kuwa mshtakiwa anakabiliwa na kesi ya jinai namba 207/2022 yenye shtaka moja la kujipatia fedha kwa njia ya udanganyifu. Wakili amedai kuwa mshtakiwa andaiwa kutenda kosa hilo, kati ya Januari Mosi, 2020 na Desemba 31, 2021 katika Jiji la Dar es Salaam, akiwa kama Mkurugenzi Mtendaji wa Kampuni hiyo, kwa njia ya udanganyifu alijipatia Sh 5,139,865,733 kutoka Saccos

Ozoemena (47) na wenzake wawili raia wa Lativia, ambao ni Linda Mazure (24) na mchumba wake Martins Plavins (23), wanakabiliwa na kesi ya uhujumu uchumi namba 61/2021, yenye mashtaka ya kusafirisha dawa hizo za kulevya. Da es Salaam. Mchungaji na mfanyabiashara raia wa Nigeria, Henry Ozoemena, anayekabiliwa na kesi ya kusafirisha kilo 20 za dawa za kulevya aina ya Heroin, amefariki dunia baada ya kupata shambulio la moyo akiwa mahabusu katika gereza la Segerea, jijini Dar es Salaam. Wakili Yasin ameieleza Mahakama ya Hakimu Mkazi Kisutu, leo Ijumaa Desemba 30, 2022, mbele ya Hakimu Mkazi Mwandamizi, Rhoda Ngimilanga wakati kesi hiyo ilipoitwa kwa ajili ya kutajwa. Ozoemena (47) na wenzake wawili raia wa Lativia, ambao ni Linda Mazure (24) na mchumba wake Martins Plavins (23), wanakabiliwa na kesi ya uhujumu uchumi namba 61/2021, yenye mashtaka ya kusafirisha dawa hizo za kulevya Mchungaji huyo alidakwa April 2019 na Jeshi la Polisi Kitengo cha Kuzuia na Kupambana na Dawa za Kulevya kat

Katibu Mkuu, Ofisi ya Rais Tawala za Mikoa na Serikali za Mitaa (Tamisemi), Profesa Riziki Shemdoe amesema hakutakua na uhamisho wa wanafunzi waliochaguliwa kujiunga kidato cha kwanza kwenye shule za kutwa kuhamia bweni. Dar es Salaam. Katibu Mkuu, Ofisi ya Rais Tawala za Mikoa na Serikali za Mitaa (Tamisemi), Profesa Riziki Shemdoe amesema hakutakua na uhamisho wa wanafunzi waliochaguliwa kujiunga kidato cha kwanza kwenye shule za kutwa kuhamia bweni. Taarifa iliyotolewa na Tamisemi imesema, Profesa Shemdoe ametoa agizo hilo jana Alhamisi Desemba 29, 2022 Dodoma katika kikao kazi cha kufanya tathmini ya usimamizi na uendeshaji wa elimu nchini kwa mwaka 2022 kwa maofisa elimu wa mikoa. Profesa Shemdoe alisema tangu Waziri wa Tamisemi, Angellah Kairuki atoe taarifa ya kuwapangia shule wanafunzi wa kidato cha kwanza mwaka 2023, Desemba 14, 2022, Wizara hiyo imekuwa ikipokea maombi kutoka kwa wazazi ama walezi ya kuomba watoto wao kuhamia kwenye shule za bweni kutokana na sababu mbalimbal

  Edward Ngoyai Lowassa Alizaliwa Agosti 26, 1953,na kukulia Katika Kijiji Cha Ngarash huko Monduli,akiwa ni mtoto Mkubwa wa Kiume Kwa Mzee Ngoyai Lowassa. Alisoma Shule Ya Msingi Ya Monduli (1967-1971), Shule ya Sekondari Arusha Kwa Kidato Kwa Kwanza hadi cha nne (1967-1971) na Shule ya Sekondari Milambo kwa kidato cha Tano Na Sita (1971-1973).  Ana Shahada ya Elimu na Sanaa kutoka Chuo Kikuu Cha Dar es Salaam Aliyohitimu Mwaka 1977, Na Shahada ya Uzamivu Katika Maendeleo kutoka Chuo Kikuu Cha Bath Nchini Uingereza alihitimu Mwaka 1984 Kwa udhamini Wa British Council. Ni Mume wa Regina Lowassa na Wamejaliwa Watoto Watano, watatu wa Kiume Na wawili wa Kike. Kikazi, Lowassa amekulia na kufanya kazi zaidi ndani ya CCM Na Serikali yake.  Mara Baada ya Kumaliza Chuo Kikuu Cha Dar es Salaam aliajiriwa na CCM Kama Katibu Msaidizina baadaye Katibu wa Wilaya.  Alipata kuwa Msaidizi wa Mzee Rashidi Mfaume Kawawa, Daudi Mwakawago Na Horace Kolimba.  Alifanya kazi pia Jeshini Sambamba na Rais Jak

Waziri wa Nchi, Ofisi ya Rais Tawala za Mikoa na Serikali za Mitaa, Mhe. Angellah Kairuki amewataka machifu ambao ni viongozi wa kimila kuhamasisha jamii kulinda miundombinu ya miradi ya maendeleo. Waziri Kairuki ametoa wito huo wakati akisimika machifu wa Kipare kwenye hafla iliyofanyika kwenye Kata ya Suji wilayani Same mkoani Kilimanjaro. Amesema Serikali ya awamu ya sita chini ya Rais Samia Suluhu Hassan imeleta fedha nyingi za miradi ya maendeleo  katika Halmashauri zote nchini hivyo jamii zinawajibu kushiriki kuilinda na kuitunza miradi hiyo ili iweze kudumu. "Machifu ni watu muhimu na wana mchango mkubwa kwenye jamii zetu, hivyo niwasihi mtumie nafasi zenu kuhamasisha jamii yetu kutunza miundombinu ya miradi inayoletwa na Serikali katika maeneo yetu." Kairuki alitaja baadhi ya miradi mikubwa inayotekelezwa na Serikali kwa hivi sasa  kuwa ni ujenzi wa madarasa 8,000 nchi nzima yanayogharimu Sh bilioni 160. "Kwa mwaka 2022/2023, Serikali imetoa fedha shilingi bilion

mchezaji mashuhuri wa soka wa Brazil aliyeondoka kwenye umaskini wa kutembea peku peku hadi kuwa mmoja wa wanasoka wakubwa na wanaojulikana sana katika historia, alifariki dunia Alhamisi akiwa na umri wa miaka 82. Pele, mchezaji mashuhuri wa soka wa Brazil aliyeondoka kwenye umaskini wa kutembea bila ya viatu hadi kuwa mmoja wa wanasoka wakubwa na mashuhuri wanaojulikana sana katika historia, alifariki dunia Alhamisi akiwa na umri wa miaka 82. Kifo cha mwanasoka huyo pekee aliyeshinda Kombe la Dunia mara tatu akiwa mchezaji kilithibitishwa na binti yake Kely Nascimento kwenye Instagram. Mchezaji huyo wa hali ya juu alikuwa akitibiwa saratani ya utumbo mpana tangu 2021. Alikuwa amelazwa hospitali mwezi uliopita akiwa na maradhi mengi. Aliibeba Brazil hadi kwenye kilele cha soka na kuwa balozi wa kimataifa wa mchezo huo katika safari iliyoanzia mitaa ya jimbo la Sao Paulo, ambapo alicheza mpira wa kutengenezwa na soksi iliyojaa magazeti au matambara. Gwiji huyo wa Brazil, ambaye jina la

Muhtasari  Jamii yatakiwa kuwakumbuka watoto  yatimaa ,waishio katika Mazingira  magumu na wajane hayo yamesemwa na Mkuu wa Mkoa wa Songwe Waziri Kindamba Na Baraka Messa, Songwe. JAMII Nchini yatakiwa kuwajali yatimaa,  wajane na watoto waishio katika Mazingira magumu ili kutoa Faraja na kuwasaidia kupata mahitaji muhimu ya kibinadamu ambayo wanayakosa. Hayo yamezungumzwa na Mkuu wa mkoa wa Songwe Waziri Kindamba aliposhiriki chakula Cha pamoja na watoto yatimaa katika kituo Cha malezi ya kulea watoto yatimaa Mbozi Mission . Alisema dini iliyo safi isiyo na takataka ni kuwajali watoto yatimaa, wajane na watoto waishio katika Mazingira magumu ambao hutaabika kwa kukosa mahitaji muhimu kutokana na kukosa wazazi, walezi na watu muhimu wa kuwasaidia na kuwajali. " Kwa mujibu wa takwimu kutoka shirika la kimataifa la UNICEF jumla ya watoto milioni 140 Duniani kuanzia miaka 0 na kuendelea hawana wazazi Wala watu muhimu wa kuwaangalia,  pia kwa mujibu wa UNICEF Kuna takwimu za kusikitis

 

 Taasisi ya Kuzuia na Kupambana na Rushwa (Takukuru), Mkoa wa Katavi imewafikisha mahakamani Mkurugenzi Mtendaji wa Mamlaka ya Maji na Usafi wa Mazingira  Mpanda (MUWASA) Hussein Nyemba na Kaimu Ofisa Utumishi Justine Wambali, wakikabiliwa na kesi ya uhujumu uchumi. Katavi. Taasisi ya Kuzuia na Kupambana na Rushwa (Takukuru), Mkoa wa Katavi imewafikisha mahakamani Mkurugenzi Mtendaji wa Mamlaka ya Maji na Usafi wa Mazingira  Mpanda (MUWASA) Hussein Nyemba na Kaimu Ofisa Utumishi Justine Wambali, wakikabiliwa na kesi ya uhujumu uchumi. Vigogo hao wamefikishwa Mahakama ya Wilaya ya Mpanda leo Alhamisi Desemba 29, 2022 wakishtakiwa kwa makosa mawili ya matumizi mabaya ya madaraka na kuisababishia hasara taasisi hiyo zaidi ya Sh 17 milioni. Imeelezwa, Novemba 1, 2022 wakiwa kazini kwa nia ovu, walitumia madaraka vibaya kuajiri ajira mpya 37  pasipo maelekezo ya bodi, kinyume na kifungu cha 12 kidogo cha (1)(b) na (e) cha sheria ya usambazi maji na usafi wa mazingira ya 2019. Pia, watuhumiw

 Katika kesi hiyo ya jinai namba 69/2022,upande wa jamhuri umeweza kuthibitisha kosa hilo pasipo na shaka kupitia mashahidi wake wanne ikiwemo mtuhumiwa huyo kuthibitika kumlawiti mtoto huyo kwa nyakati tofauti kati ya Januari 2019 hadi Machi 13,2022. Arusha. Mahakama ya Wilaya ya Arusha, imemhukumu kifungo cha maisha gerezani, Godlisten Kibwana (22), baada ya kupatikana na hatia ya kumlawiti mtoto wa kiume wa miaka 10. Kibwana ambaye ni mkazi wa eneo la Mianzini, jijini Arusha amehukumiwa adhabu hiyo leo Alhamisi, Desemba 29, 2022 na Hakimu Mkazi Bitony Mwakisu baada ya kumtia hatiani kwa kosa hilo la kumlawiti mtoto huyo kwa nyakati tofauti nyumbani kwao (mtuhumiwa). Akisoma hukumu hiyo, Hakimu Mwakisu amesema mahakama imemtia hatiani mtuhumiwa huyo aliyekuwa anakabiliwa na kosa la ulawiti kinyume na kifungu cha 154(1) (a) cha Sheria ya Kanuni ya adhabu iliyofanyiwa marejeo mwaka 2019. Amesema katika kesi hiyo ya jinai namba 69/2022, upande wa jamhuri umeweza kuthibitisha kosa hilo p

  Kiungo wa Yanga Feisal Salum Abdallah (Fei toto) asubuhi ya leo Alhamis Disemba 29, 2022 ameichezea Timu yake ya zamani JKU kwenye mchezo wa Kirafiki dhidi ya Mlandege kwenye Uwanja wa Mao Zedong, Zanzibar ambapo JKU walifanikiwa kupata ushindi wa Mabao 4-2 . Katika mchezo huo Fei alicheza dakika 45 za kipindi cha pili ambapo wakati anaingia Fei JKU walikuwa tayari wapo nyuma kwa Mabao 2-0, lakini baada ya kuingia wakafanikiwa kusawazisha Mabao hayo na kuongeza mengine mawili huku Fei akifunga moja kati ya Mabao hayo 4 na akiwa na msaada mkubwa wa kupatikana Mabao hayo. Mwandishi wa Habari hii alifanya jitihada ya kuzungumza na Fei mara baada ya kumalizika mchezo huo lakini Fei aliomba kutozungumza chochote. “Naomba nisiongee chochote, naomba sana, ikifika siku ya kuongea nitaongea “. Alisema Fei. Si mara ya kwanza Fei kuonekana kucheza JKU kwani ndio Timu yake ya zamani aliyoondoka mwaka 2018 kabla ya kujiunga na Yanga. Jumamosi ya Disemba 24, 2022 kupitia mitandao yake ya Kijamii F

  Jeshi la Polisi Kanda Maalum ya   Dar es Salaam  kwa kushirikiana na timu maalum ya kuzuia na kupambana na makosa ya  mtandao  limewakamata watuhumiwa  11 wa makosa  ya kimtandao  kufuatia  ufuatiliaji  mkali unaoendelea kufanywa na Jeshi la Polisi na Timu hiyo  Maalum  Katika hatua hiyo Jeshi la Polisi na timu hiyo, limemkamata Alex Magoti (26) Mkazi wa Tabora Mjini na wenzake nane kwa tuhuma za kumiliki luninga za mtandaoni na akaunti za mitandao ya kijamii  ambazo zimekuwa zikitumika kusambaza taarifa za uongo au uzushi  kuhusu,  Rais Dkt Samia Suluhu Hassan na viongozi wengine wakuu wa Serikali . Watuhuhumiwa hao wamekuwa wakiweka taarifa zao za uzushi, uongo na upotoshaji kwenye luninga za mtandaoni zinazotambulika kwa majina ya  BSUN Online TV, GATTU Online TV, TAMUTAMU online TV, KILIMANJARO online TV na nyinginezo.  Mfano wa taarifa hizo ni kama  “Rais Samia akosoa vikali utawala wa Rais JPM, aanika ukatili aliofanya (haukubaliki hata kidogo)”  “ IMEVUJA VIDEO, MBOWE APEWA SH

  Waziri Mkuu Kassim Majaliwa amewataka watumishi kwenye Halmashauri zote nchini kutenga siku tatu kati ya siku za kazi kwenda vijijini ili kutatua changamoto za wananchi. Amesema kuwa ni lazima watumishi wa umma wajue wajibu wao mkubwa ni kuwatumikia wananchi na kuhakikisha wanatatua changamoto mbalimbali zinazowakabili kwenye maeneo yao. Majaliwa ametoa agizo hilo leo Desemba 16, 2022 wakati wa kikao cha pamoja na watumishi wa umma wa Halmashauri za mkoa Rukwa ambako alikuwa kwenye ziara ya kikazi. Amesisitiza kuwa, “Hawa wananchi wamesambaa katika Wilaya na halmashauri, tumejenga majengo ya ofisi sio lazima wananchi waje humo kupata huduma, wapo wengine hawawezi kuja hapa lakini wanahitaji Serikali yao inahudumi.” Mtendaji huyo mkuu wa Serikali amewataka viongozi katika halmashauri kuhakikisha wanasimamia watumishi kutokaa ofisini wiki nzima badala yake waende vijijini kwani huko ndiko wananchi walipo ili wawasikilize na kuwatumikia. Akizungumzia kuhusu ukusanyaji wa mapato, Waziri

  Kamanda wa Polisi mkoa wa Geita, Safia Jongo akizungumza na waandishi wa habari ofisini kwake. Geita. Mkazi wa Buseresere wilayani Chato mkoani Geita, Oliva Meshack anashikiliwa na jeshi la polisi mkoani hapa kwa tuhuma za kumzika mwanawe wa wiki mbili akiwa hai ili apate muda wa kwenda kujiuza. Mwanamke huyo mwenye umri wa miaka 19 anadaiwa kutenda kosa hilo kabla ya majirani kumtilia shaka na kuripoti kituo cha polisi. Kamanda wa Polisi mkoa wa Geita, Safia Jongo amewaeleza waandishi wa habari leo Desemba 15, 2022 kwamba tukio hilo limetokea na lilibainika baada ya majirani kutoa taarifa polisi. “Jeshi la polisi lilipata taarifa kwa wananchi kuwa kuna binti aliyejifungua lakini wana siku tatu hawamuoni binti na mtoto na wakataka kujua alikopeleka mtoto, tulimchukua binti na kumhoji na alikiri alikuwa ana mtoto wa wiki mbili,” amesema. Kamanda amesema polisi walipomtaka awaonyeshe mtoto, alidai kutokana na kazi anayofanya alilazimika kumzika ili aweze kuendelea na kazi yake. “Huyu b

  Balozi wa Tanzania nchini Austria, Celestine Mushi Balozi huyo amefariki juzi Jumanne alipokuwa akisafiri kwa kuendesha gari mwenyewe kutoka Dar es Salaam kuelekea mkoani Kilimanjaro. Tanga. Balozi wa Tanzania nchini Austria, Celestine Mushi amefariki dunia katika ajali iliyotokea eneo la Mkata wilayani Handeni mkoa wa Tanga. Mushi aliteuliwa na Rais Samia Suluhu kuwa Balozi wa Tanzania nchini Austria Januari mwaka huu na Mei 5, 2022 akawasilisha Hati za Utambulisho kwa Rais wa Jamhuri ya Austria, Alexander Van der Bellen.  Akizungumza na Mwananchi leo Alhamisi Desemba 15, 2022, Mkuu wa Wilaya ya Handeni, Siriel Mchembe amesema kuwa balozi huyo ambaye alikuwa peke yake alikuwa akiendesha mwenyewe gari akotokea Dar es Salaam kuelekea Moshi mkoani Kilimanjaro. Mchembe amesema kuwa ajali hiyo imetokea juzi Jumanne usiku ambapo mwili wa balozi huyo umekutwa ukiwa umeungua. "Mwili wa balozi tuliuchukua eneo la ajali usiku na tumeuleta Hospitali yetu ya Wilaya. Ndugu zake wapo njiani

 

  Paroko wa Parokia ya Haydom Jimbo la Mbulu mkoani Manyara, Bartazari Margwe Sule (63) amefikishwa katika Mahakama ya Mkoa akituhumiwa kuiba zaidi ya shilingi milioni 20 kwenye akaunti ya kaka yake Dionice Margwe Sule, ambaye inadaiwa kuwa ni mgonjwa wa kupoteza kumbukumbu, huku ikielezwa kwamba fedha hizo anazotuhumiwa kuziiba zimetokana na mirathi ya shemeji yake. Kesi hiyo namba 44 ya mwaka 2022 iliyosomwa na Hakimu Mariam Luselwa inawakabili washtakiwa watatu, ambao ni Paroko Bartazari Sule, Cynthia Nyamtiga (27) pamoja na Winftida Rwakilomba (30) ambao ni watumishi wa benki ya NMB. Imeelezwa mahakamani hapo kuwa Paroko Baltazari anakabililiwa na makosa mawili, ambapo la kwanza ni wizi, na pili ni kugushi. Washtakiwa wengine Cynthia Nyamtiga na Winfrida Rwakilomba wote kwa pamoja wanakabiliwa na kosa la kushindwa kuzuia utendekaji wa kosa kinyume na kifungu 383 na kifungu cha 35 vya kanuni ya adhabu sura namba 16 kama ilivyofanyiwa marejeo 2022. Washtakiwa hao watatu kwa pamoja w