HABARI JAMII TANZANIA

 Tunduma. Wananchi wa Mkoa wa Songwe wametakiwa kushirikiana na Jeshi la Polisi ili kutokomeza vitendo vya ukatili, rushwa na ushoga vinavyoibuka katika jamii. Rai hiyo imetolewa leo Jumapili Aprili 30, 2023 na Kamanda wa Polisi Mkoa wa Songwe, Kamishna Msaidizi wa Polisi (ACP) Theopista Mallya wakati wa ziara yake aliyoifanya katika ibada katika makanisa mawili mijini Tunduma. Kamanda Theopista amehudhuria ibada katika Kanisa la Kiinjili la Kilutheri Tanzania (KKKT) uaharika wa Tunduma na Kanisa House of Prayers lililopo pia mjini humo. Akizungumza katika ibada hiyo, RPC huyo amesema vitendo vya ukatili ikiwemo ukatili dhidi ya watoto, ushoga vimeshamiri katika jamii hivyo viongozi wa dini hawanabudi kukemea vitendo hivyo. "Naomba tushirikiane sisi polisi na ninyi ili tuweze kuutokomeza, jambo la kwanza ni ukatili uliokidhiri katika jamii" amesema  Amesema kuwa kuna aina mbalimbali za ukatili unaofanyika katika jamii ikiwemo vipigo, ubakaji, ulawiti na matusi, unyanyasaji na

 Na Baraka Messa, Songwe MKUU wa mkoa wa Songwe Dkt Francis Michael ametoa rai kwa jamii Mkoani Songwe kuepuka taarifa za upotoshaji kuhusu huduma za chanjo zinazotolewa nchini kuwakinga watoto chini ya miaka mitano wasishambuliwe na magonjwa mbalimbali ambayo husababisha vifo. Alisema chanjo zinazoendelelea kutolewa Nchini na Duniani kwa Ujumla ni kwa ajili ya kupunguza vifo vinavyozuilika vitokanavyosababishwa kutokana na kukosa Kinga muhimu mwilini. Mkuu wa mkoa Dkt Francis alisema hayo jana katika uzinduzi wa wiki ya chanjo kwa watoto wadogo chini ya miaka mitano , ambapo kimkoa imezinduliwa katika Kata ya Isongole Wilaya ya Ileje . " Hizi chanjo ni salama zinatusaidia sana tusidharau, watalaam wanasema usipo ziba ufa utajenga ukuta tusijenge ukuta kwa kupoteza maisha ya watoto wetu, tuwakinge watoto wetu tusipotoshwe na manenonya watu ya kufananisha chanjo hizi na Mila potofu zinazotolewa na baadhi ya watu wachache" alisema Mkuu wa Mkoa. Alisema miaka ya huko nyuma watot

 

 Na Baraka Messa,  WATUMISHI sita katika Halmashauri ya Wilaya Ileje mkoani Songwe wamefukuzwa Kazi kwa makosa ya utovu nidhamu ikiwemo kutafuna fedha mbichi za makusanyo ya Halmashauri na utoro kazini. Hayo yameelezwa na Mwenyekiti wa Halmashauri hiyo Ubatizo Songa katika Kikao Cha Baraza la madiwani robo ya tatu kilichofanyika jana katika Halmashauri hiyo.   Alisema katika orodha ya Watumishi hao sita wanne (4) ni watendaji Kata na vijiji ambao walikiuka kwa  makusudi utaratibu wa Halmashauri na kutumia makusanyo ya fedha walizo kusanya huku wakikaidi kuzirudisha fedha hizo. Alisema wengine wawili ni Watumishi kada ya afya ambao walilipoti katika vituo vyao vya Kazi kwa zaidi ya miezi mitatu iliyopita, Lakini mpaka sasa Wananchi wanaendelea kukosa huduma za Watumishi hao kutokana na kutokurudi tena katika vituo vyao vya Kazi. Aliwataja majina Watumishi hao waliofukuzwa kazi kuwa ni Osward mwafwongo Mtendaji daraja la pili Kijiji Cha Lale ambaye alitumia kiasi Cha shilingi 4,751,600,

  Watu wasiojulikana wamevamia na kuharibu eka nne za shamba lenye kahawa, migomba na miparachichi na kuibua taharuki katika kijiji cha Haraka Kata ya Hezya wiayani Mbozi mkoani Songwe. Tukio hilo hilo limetokea usiku wa kuamkia Ijumaa Aprili 28, 2023 wakati mmiliki wa shamba hilo, Mariam Mathias na majirani wakiwa wamelala. Akizungumza akiwa kwenye shamba hilo,  mmoja wa wanafamilia wa mmiliki wa shamba hilo, Jane Kalupanda amesema kuwa tukio hilo limewashangaza ambapo mpaka sasa hawajafahamu waliohusika na uharibifu huo. "Tumesikitishwa sana na kitendo hiki cha kinyama. Shamba hili ni zaidi ya eka nne ambalo kuna kahawa, miparachichi na migomba vimekatwa, tunaomba Serikali hasa Waziri wa Kilimo na Polisi watusaidie kuingilia kati ili waliofanya huu unyama wakamatwe" amesema Jene akiwa kwenye shamba hilo akionyesha mazao hayo yalivyoharibiwa. Naye Gipson Mwayela ambaye ni ndugu wa wenye shamba  amesema tayari washatoa taarifa kwenye vyombo vya usalama akiomba Jeshi la Polisi

Mkuu wa Mkoa wa Songwe, Mhe. Dkt. Francis Michael amesema Bilioni 70 zitaanza kutekeleza mradi kwa hatua ya awali kutoa maji kutoka mto Momba na kuleta katika mji wa Tunduma, Vwawa na Mlowo kwa muda wa miezi 24, ni mradi mkubwa kwa Songwe ambao utakwenda kumtua mama ndoo kichwani. Mkuu wa Mkoa amesema hayo baada ya kukutana na Katibu Mkuu wa Wizara ya Maji, Mhandisi Nadhifa Kemikimba ambaye amefanya ziara Songwe kutekeleza agizo la Waziri wa Maji, Mhe. Juma Aweso alilotoa mapema wiki alipokuwa Songwe kwenye ziara ya kikazi. Mkuu wa Mkoa wa Songwe, Mhe. Dkt. Francis Michael amesema kuna tatizo la upatikanaji maji katika mji wa Tunduma, Mlowo na Vwawa ambapo ni 48% tu ndio maji yanapatikana mjini wakati vijijini upatikanaji ni 78% ndio sababu ilimfanya Waziri wa Maji amuagize Katibu Mkuu aje Songwe kutoa suluhu ya mto upi utumike, tunashukuru amefika na ametupa Habari njema kuwa mradi wa kutoa maji Momba utaanza kwa Bilioni 70. Tunamshukuru Katibu Mkuu ameunda timu ya watalamu mbalimbali

  Mtendaji wa Kijiji cha Kainam wilayani Mbulu mkoani Manyara, Samwel Qambino amehukumiwa na mahakama ya wilaya hiyo kwenda jela kwa kifungo cha miaka 20.  Qambino amehukumiwa kifungo hicho baada ya mahakama ya wilaya kumtia hatiani kwa makosa matatu yaliyokuwa yanamkabili ambapo kila kosa amehukumiwa kifungo tofauti. Hakimu wa Mahakama ya Wilaya Mbulu, Victus Kabigi ametoa hukumu hiyo jana Ijumaa Aprili 28, 2023 kwenye mahakama hiyo iliyopo mjini Mbulu. Kabigi amesema katika shauri hilo mshtakiwa huyo alishtakiwa kwa makosa matatu ambayo ni ubadhirifu, matumizi mabaya ya madaraka na wizi katika utumishi wa umma. Amesema katika shtaka la kwanza mahakama hiyo imemuhukumu kifungo cha miaka 20 jela, matumizi mabaya ya madaraka kifungo cha miaka 20 jela na wizi katika utumishi wa umma mwaka mmoja jela, hivyo atatumikia kwa pamoja miaka 20. Hata hivyo, mahakama hiyo imemtaka mshtakiwa huyo kurejesha kiasi cha Sh3.6 milioni alizofanyia ubadhirifu au mali zake ziuzwe ili kufidia fedha hizo. A

  Makamu wa Rais wa Jamhuri ya Muungano wa Tanzania, Mhe. Dkt. Philip I. Mpango akizungumza na Naibu Waziri Ofisi ya Rais TAMISEMI, Dkt. Festo Dugange leo tarehe 29 Aprili 2023 wakati alipofika hospitali ya Rufaa ya Kanda ya Benjamin Mkapa kumjulia hali baada ya kupata ajali ya gari. Dkt. Dugange alipata ajali usiku wa tarehe 26 Aprili 2023 wakati akiendesha gari yake binafsi Jijini Dodoma ambapo kwa sasa anaendelea kupatiwa matibabu katika Hospitali ya Rufaa ya Benjamini Mkapa.

 Simba SC imetolewa kwenye michuano ya Ligi ya Mabingwa Afrika kwa mikwaju ya penalti 4-3 baada ya kumaliza dakika 90 kwa usawa wa mabao 1-1 katika mechi mbili za robo fainali dhidi ya Wydad. Mechi hiyo iliyopigwa kwenye Uwanja wa Mohammed V jijini Casablanca nchini Morocco, Simba haikuwa na mabadiliko katika kikosi chake kilichoanza mechi ya Dar na iliruhusu bao dakika ya 24 likifungwa na Bouly Sambou kwa kichwa lililosalia hadi dakika 90 (1-0). Simba iliziba njia za Wydad kwa muda mwingi licha ya makosa machache waliyofanya ambayo wapinzani hawakutumia vizuri. Wydad ambaye ni bingwa mtetezi wa Ligi ya Mabingwa alifanya mabadiliko ya wachezaji wanne ambao waliingia kwa awamu mbili huku Simba wakifanya mabadiliko ya wachezaji wawili Erasto Nyoni aliyechukua nafasi ya Jean Baleke na Kibu Denis nafasi yake alichukua Moses Phiri dakika za nyongeza. Katika penalti tano Simba waliofunga ni Erasto Nyoni, Saido Ntibazonkiza na Moses Phiri huku waliopoteza ni Shomari Kapombe na Clatous Chama.

  Wakati homa ya mchezo wa Yanga dhidi ya Rivers ikizidi kupanda Waziri Mkuu wa Tanzania, Kassim Majaliwa Kassim ameiunga mkono kampeni ya kununua tiketi za aziri Majaliwa amenunua tiketi 500 za mchezo huo wa mkondo wa pili wa Robo Fainali kati ya Yanga dhidi ya Rivers ya Nigeria utakaopigwa Jumapili Aprili 30 Uwanja wa Benjamin Mkapa jijini Dar es Salaam. Majaliwa anaungana na makundi mengine ya wadau 26 waliokuwa wameshanunua tiketi hizo za mzunguko ambapo tayari jumla ya tiketi 3540 zimeshanuliwa.  Mbali na Majaliwa wengine ambao tayari wameshanunua tiketi hizo ni Makamu wa Rais wa Yanga Arafat Haji (500), sambamba na wajumbe wa kamati ya Utendaji ya klabu hiyo Alex Ngai(100), Gerald Kihinga (100), Yanga Makaga (200). Wengine ni Ibrahim Samuel (100), Brenden Kachenje (100), Armadillo enterprise (100), Crispo Hezron (100), Zahoro Matelephone (100), Jet &Sons (100), Bullet force security (100), Chicasa General traders (100), Tradeland commodities (100). Wamo pia Anastacia Mbunda (

Mkazi wa Kijiji Cha Mwanangwa Kata ya Mabuki Wilaya ya Misungwi mkoani Mwanza, Juma Shilatu (40) amefariki dunia kwa madai ya kupigwa na walinzi wa Suma JKT katika shamba la uzalishaji mifugo la Mabuki walilokuwa wakilinda kisha kukamata ng’ombe 20 alizokuwa akichunga. Mmiliki wa Ng'ombe alizokuwa akichunga, Sungano Degeleka (56) mkazi wa Kijiji Cha Mwanangwa amesema Aprili, 25 mwaka huu jioni, Shilatu akiwa na wenzake wakichunga ndani ya shamba hilo walikutwa na walinzi hao, wenzake walifanikisha kuondoa mifugo yao baada ya mapambano lakini yeye hakufanikiwa. Degeleka amesema Aprili 26, 2023 wananchi wa Kijiji Cha Mwanangwa waliingia kwenye shamba hilo kumtafuta Shilatu na kumkuta ameuawa akiwa na jeraha kubwa tumboni na kichwani. “Kijana huyo (Juma Shilatu) ana miaka miwili tangu aanze kuishi nyumbani kwangu na alikuwa akifanya shughuli za kilimo na kuchunga  mifugo.Juzi alikwenda kuchunga kwenye shamba la Mabuki na Ng'ombe zangu 20 zilikamatwa na mchugaji hakurudi nyumbani.

  Kijana wa miaka 15 (jina linahifadhiwa), mkazi wa Kijiji cha Ngareni, Kata ya Ngoyoni, wilayani hapa, anashikiliwa na Jeshi la Polisi akidaiwa kumuua mama yake mdogo, Taudensia Massawe (62) kwa kumpasua kichwa akitumia jiwe wakati akikata majani ya ng'ombe. Tukio hilo linadaiwa kutokea Aprili 24, mwaka huu baada ya kijana huyo kumwambia marehemu akamwonyeshe sehemu ya kukata majani ya ng'ombe na alipofika eneo aliloonyeshwa alimvizia wakati ameinama akikata majani na akampiga na jiwe lililompasua kichwa. Kijana huyo anadaiwa kufanya mauaji hayo kwa lengo la kupora fedha za Vicoba ambazo mama huyo alikuwa mweka hazina na alikuwa na sanduku la fedha hizo. Mkuu wa Wilaya ya Rombo, Kanali Hamis Maiga amekiri kutokea kwa tukio hilo akisema tayari Jeshi la Polisi wilayani humo linamshikilia mtuhumiwa kwa mahojiano zaidi," alisema. Akieleza undani wa tukio hilo jana, Diwani wa Kata ya Ngoyoni, Felician Kavishe alisema tukio lilitokea Aprili 24, 2023 baada ya mama huyo kulaghaiw

Wakati jamii ikitegemea walimu kuwa sehemu ya malezi kwa watoto hali hiyo imekuwa tofauti kwa mwalimu Tunu Brown(37)wa shule ya msingi Senjele kutoroka kituo cha kazi baada ya kutuhumiwa kumbaka mwanafunzi wake wa darasa la sita. Kamanda wa Polisi Mkoa wa Songwe Theopista Malya amethibitisha kutokea kwa Tukio Hilo Lililotokea  Aprili 17 Mwaka Huu Majira Ya Saa 4:45 Asubuhi alibakwa na mwalimu wake ambapo alimlaghai mtoto kuwa atakuwa akimsaidia shida zake ambalimbali alizonazo nyumbani kwao Lakini Mwalimu Huyo Ametoroka Hivyo Jeshi La Polsi Linaendelea Na Jitihada za Kumtafuta. Aidha Malya ametoa wito kwa jamii kuacha kufumbia macho vitendo vya ukatili dhidi ya watoto. Naye Rose Mwampashi Bibi wa mwanafunzi amesema amewalea watoto katika mazingira magumu Huku Babu Wa Mwanafunzi Huyo Akiomba Serikali Iweze Kumsaidia Kumkamata muhusika Wa Tukio hilo la ukatili. Kwa Upande Wake Thabitha Bugali Mkurugenzi wa Sauti ya Mama Africa mbali ya kusikitishwa na tukio hilo ameomba sheria ichukue mk

 Mwenyekiti wa Chama Cha Mapinduzi (CCM) Kata ya Mlowo Wilayani Mbozi Mkoani Songwe, Meshack Mwambogolo amekutwa amejinyonga katika msitu uliopo kitongoji cha Iyenga Kijiji cha Shaji Kata ya Mlangali baada ya Rafiki yake aitwaye Joseph Muhume ambaye wanafanya nae biashara pamoja kutoroka na Tsh. Milioni 118. Kamanda wa Polisi Mkoa wa Songwe, Theopista Mallya amesema mwili wake umekutwa ukiwa umening'inia kwenye mti leo Aprili 24, 2023 asubuhi ambapo alijinyonga kwa kamba ya manila huku akiacha ujumbe kuwa Familia yake imsamehe kwa maamuzi aliyofanya. Kamanda amesema jana  Mwambogolo alitoa Tsh. Milioni 118 na kuziweka kwenye akaunti ya Joseph Muhume kwa ajili ya kununulia kahawa ambapo baada ya kumuingiza fedha hizo Joseph alitoroka. “Baada ya Mwambogolo kupewa taarifa kuwa Joseph ametoroka alichukua kamba na chupa ya sumu ya kuulia wadudu na kutoweka ndipo mwili wake ulikutwa asubuhi ukiwa unaning'inia kwenye mti huku akiwa ameacha ujumbe ambao unaiomba Familia yake imsamehe k

Wengi wanapozungumzia ujasiriamali huusisha na kufanya biashara. Ingawa ni kweli kuwa kuanzisha na kufanya biashara ni kazi kubwa ya ujasiriamali, maana halisi ya ujasiriamali ni pana , labda tuu tuseme ujasiriamali huanza kabla ya kuanza biashara na ni zaidi ya kufanya biashara. Katika makala hii utajifunza maana halisi ya ujasiriamali ili uweze kujipima kama kweli unataka kuwa mjasiriamali kwa maana ya kwamba upo na sifa au unataka kujituma ili uwe na sifa ya kuwa mjasiriamali wa kweli, kwani wengi wanaweza kujifunza ujasiriamali hata kama hawakuzaliwa kuwa wajasiriamali. Maana ya ujasiriamali Ujasiriamali ni namna unavyoweza kufikia suluhu ya matatizo fulani na kupitia utoaji wako wa suluhu wa tatizo husika ukalipwa. Tunaposema suluhu maana ya kuwa kuja na kitu fulani ambacho kitaboresha hali iliyopo ambayo inawatatiza watu wengi. Sio lazima UTENGENEZE KITU KIPYA KABISA, lakini hata ukabuni namna bora zaidi ya kufanya kinachofanyika sasa ni ujasiriamali. Sio kila anayefanya biashara

  Mwenyekiti wa Chama cha Mapinduzi ( CCM) Kata ya Mlowo iliopo Wilayani Mbozi Mkoani Songwe Meshack Mwambogolo amekutwa amejinyonga usiku wa kuamikia leo kwa Wazazi wake Kijiji cha Masoko kilichopo Kata ya Mlangali kwa wazazi mujibu wa mashuhuda wa tukio. Taarifa zaidi za msiba tutaendelea kuwajuza. 

  Baadhi ya wananchi wa mtaa wa Kaloleni Kiteto wakiwa nyumbani kwa Askari Polisi Oscar Joash aliyepoteza familia yake ya mama na mtoto kwa kuungua moto wakiwa wamelala ndani ya nyumba  usiku wa kuamkia  Muktasari: Ilikuwa ni hitilafu ya umeme, balbu kudondoka kitandani na kuunguza chandarua na godoro na kusababisa vifo vya familia ya mama na mtoto. Kiteto. Ilikuwa ni hitilafu ya umeme, balbu kudondoka kitandani na kuunguza chandarua na godoro na kuabanisha vifo vya familia ya Askari Polisi Kiteto ya mama na mtoto. Akizungumza na Mwananchi Digital Kamanda wa Jeshi Jesho la Polisi Manyara RPC, George Katabazi leo Aprili 21, 2023 amewataja marehemu hao kuwa ni Nurya Mkondya (18) na mtoto wake Joas Oscar miaka (2) wa familia ya Askari Polisi Kiteto. "Uchunguzi wa awali unaonyesha kwamba ilikuwa ni hitilafu ya umeme yaani balbu ilidondokea kitandani na kuunguza chandarua pamoja na godoro hali iliyopelekea vifo vya mama na mtoto wakati wamelala usiku wa saa tisa kuamkia leo," ames

Kamanda wa Polisi Mkoa wa Mwanza, Wilbroad Mutafungwa akizungumza na Waandishi wa Habari jijini Mwanza.  Kwa mujibu wa Kamanda wa Polisi mkoa wa Mwanza, Wilbroad Mutafungwa amesema uamuzi wa mfanyabiashara, Emmanuel Nyambera (40) kujikatisha uhai kwa kujifyatulia risasi ulitokana na msongo wa mawazo baada ya mgogoro wa kugombania mali kuikumba familia yake. Mwanza. Mkazi wa Mtaa wa Bwiru Msikitini Wilaya ya Ilemela mkoani Mwanza, Emmanuel Nyambera (40) amefariki dunia kwa kujipiga risasi kifuani kwa kile ambacho uchunguzi wa awali wa Jeshi la Polisi umebaini kuwa ni kukwepa mgogoro wa mgawanyo wa mali. Akizungumza na waandishi wa habari leo Aprili 21, 2023, Kamanda wa Polisi Mkoa wa Mwanza, Wilbroad Mutafungwa amesema marehemu ambaye wakati wa uhai wake alijihusisha na shughuli za kibiashara alijipiga Saa 3:45 usiku wa Aprili 16 mwaka huu. Ametaja silaha iliyotumika katika tukio hilo ni bastola aina ya Charter ambayo ilikuwa ikimilikiwa kihalali na marehemu wakati wa uhai wake. Kamanda

Mkuu wa wilaya ya Ileje mkoani Songwe Mhe. Farida Mgomi ameandaa Futari  iliyowakutanisha waislamu, viongozi wa dini ya kikristo,viongozi wa vyama vya siasa viongozi wa Mila na viongozi wengine wa serikali. Mhe. Mgomi ameandaa Futari hiyo iliyowakutanisha Leo Aprili 18,2023 katika Ikulu ndogo ya wilaya hiyo. Mhe.Mgomi amewasihi waisilamu na wakristo kuwa wamoja kwa kuzingatia vitabu takatifu na kila mtu kwa nafasi yake wapendane bila kujali itikadi ya kidini. Katika hatua nyingine Mhe. Mgomi ameungana na viongozi wengine kukemea masuala ya ushoga huku akisema  serikali haitavumilia watu wanaoendekeza mapenzi ya jinsia Moja . "Tutumie kipindi hiki Cha ramadhani kukemea vitendo viovu vinavyohatarisha utamaduni wetu ikiwa ni pamoja na kuwaripoti watu au taasisi zinazotoa elimu ya kujihusisha na mapenzi ya jinsi Moja", amesema Mgomi. Akizungumza katika hafla hiyo  shekhe wa wilaya Khamis Adamu amesema lengo la Futari hiyo ni kujumuika pamoja katika mwezi mtukufu wa Ramadhan kama

 Serikali imesitisha mikopo ya asilimia 10 inayotolewa na halmashauri hadi hapo utaratibu mwingine utakapoelekezwa. Kauli hiyo imetolewa bungeni leo Alhamisi April 13, 2023 na Waziri Mkuu Kassim Majaliwa wakati akihitimisha Hoja yake ya Makadilio ya Maombi na Matumizi ya Fedha kwa mwaka 2023/24 lakini hakusema zuio hilo linakwenda hadi lini. Fedha za halmashauri asilimia 10 hutolewa kwa mgawanyo wa makundi matatu ambayo ni wanawake asilimia nne na vijana asilimia nne huku asilimia mbili ikiwa imetengwa kwa ajili ya kuwakopesha wenye ulemavu. Hata hivyo, kumekuwa na kelele nyingi kwa wabunge kuhusu namna ya ukopeshaji huo ikiwemo Kamati ya Hesabu za Serikali za Mitaa (LAAC) ambao wanasema kuwa fedha hizo zinaliwa na wajanja hata kukosa mwendelezo wake. Leo Waziri Mkuu amesema kuanzia fedha zitakazoanza kurejeshwa mwezi Aprili mwaka huu hazitakopeshwa tena zikitakiwa kusubiri utaratibu mwingine kwa kadri itakavyoelekezwa. Kauli ya Waziri Mkuu pia inaungana na kauli aliyoitoa hivi karibun

  Serikali imekubali kuruhusu magari yanayofanya safari zake kupitia Wilaya ya Sikonge kutoka jijini Dar es Salaam kuanza safari zake kati ya saa 9 na 10 usiku ikiwa watapenda, huku akisubiri maombi ya wamiliki wa mabasi muda watakaopendekeza kuanza safari. Dodoma. Serikali imekubali kuruhusu magari yanayofanya safari zake kupitia Wilaya ya Sikonge kutoka jijini Dar es Salaam kuanza safari zake kati ya saa 9 na 10 usiku ikiwa watapenda. Kauli hiyo imetolewa bungeni leo Alhamisi April 13, 2023 na Waziri wa Mambo ya Ndani ya Nchi Hamadi Masauni wakati akijibu swali la msingi la mbunge wa Viti Maalumu Taska Mbogo (CCM). Hata hivyo Waziri amesema kinachowapasa wenye mabasi ni kupeleka maombi ya muda gani wanataka kuanza safari zao ili wakapite Sikonge muda ambao utaruhusiwa badala ya kulala. Hoja ya mabasi kutaka yasafiri hadi usiku imekuwa ikijadiliwa mara nyingi bungeni na mwishoni mwa wiki iliyopita, Spika wa Bunge, Dk Tulia Ackson alikoleza hoja hiyo akitaka kujua sababu zipi ambazo zi

  Waislamu Mkoani Songwe wamewajia juu Wabunge wa Mkoani Songwe kwa kile walichodai kuitenga dini ya kiislamu na pindi wanapokaribishwa katika shughuli zozote za dini hiyo hawajitokezi wala kuchangia chochote lakini pia hawadhulii shughuli zozote za kimaendeleo haya yakiwa ni Malalamiko ya pili dhidi ya Wabunge hao ambapo Mwenyekiti wa CCM Mkoa wa Songwe pia aliwahi kuwalalamikia Wabunge hao pia kutokuwa na ushirikiano na chama chao Akiongoa katika futari ilioandaliwa na Ofisi ya Mkuu wa Mkoa wa Songwe Sheikh wa Mkoa wa Songwe Huseein  Issa Batuza amesema katika kipindi cha miaka 10 wamefanya kila jitihada za kuwaalika Wabunge wa Mkoa wa Songwe mpaka kufikia hatua ya kuwajulisha Viongozi wa CCM lakini bado baadhi ya Wabunge hao wamekuwa wagumu kuitikia wito. "Mheshimiwa Mkuu wa Mkoa Waislamu tunafanya shughuli za Maendeleo kuunga juhudi za Rais wetu na kauli ya kazi iendelee tuna ujenzi wa Zahanati, Vituo vya afya tukiwaalika hawafiki hata katika Vitabu vya Mungu vinasema ishi na

  Wafanyabiashara 13 wamefariki dunia na wengine wawili kujeruhiwa usiku wa kuamkia leo, April 10, 2023, baada ya gari walilokuwa wakisafiria kutoka mnadani, Mitsubishi Fuso lenye namba za usajili T800 BXB, kutumbukia mtoni mkoani Ruvuma. Kamanda wa Polisi Mkoa wa Ruvuma, Marco Chilya amethibitisha kutokea kwa tukio hilo na kueleza kuwa gari hilo limetumbukia katika Mto Njoka wakati wafanyabiashara hao wakitoka wakitoka Ndongosi mnadani kuelekea Kijiji cha Namatuhi wilayani Songea. Amesema kuwa gari hilo lililokuwa likiendeshwa na Thobias Njovu, lilipofika kwenye eneo la daraja hilo, wakati linapanda mlima ghafla liliacha njia na kutumbukia mtoni. Kamanda Chilya amesema kuwa maiti zimehifadhiwa katika chumba cha kuhifadhia maiti cha Hospitali ya Serikali ya Mkoa wa Songea. Aidha Jeshi la Polisi mkoani Ruvuma linaendelea kusisitiza wananchi kuacha kupanda magari ya mizigo wanapokuwa wanakwenda kwenye minada na polisi hawatasita kuchukua hatua kali dhidi ya yeyote atakayekiuka agizo hilo

MBOZI. Halmashauri ya Wilaya ya Mbozi mkoani Songwe imepata Shilingi Bilioni 1.7 kwa ajili ya ujenzi wa miundombinu ya elimu ya awali na msingi katika shule 10. Fedha hizo ni kati ya Shilingi Bilioni 7.1 ambazo zimetolewa katika Mkoa wa Songwe kutekeleza mradi wa BOOST kwa mwaka wa fedha 2022/2023. Fedha hizo zimetolewa kwa ajili ya ujenzi wa miundombinu ya vyumba vya madarasa, matundu ya vyoo, madarasa ya wanafunzi wenye mahitaji maalumu na madarasa ya elimu ya awali ya mfano. Shule ambazo zitanufaika na mradi huo katika Halmashauri ya Wilaya ya Mbozi ni pamoja na Lutumbi, Namlonga, Itete, Mlowo na Mabatini. Shule zingine ambazo zitanufaika na mradi huo ni Tazara, Mlangali, Idunda, Nuru na Isangu.

 Mkurugenzi wa Mashtaka nchini Uganda ameidhinisha mashtaka ya ufisadi dhidi ya Waziri wa Masuala ya Karamoja Mary Goretti Kitutu kuhusu jukumu lake katika kashfa ya mabati eneo la kaskazini-mashariki. Spika wa bunge na baadhi ya mawaziri pia wametajwa katika kashfa hiyo iliyohusisha madai ya wizi wa mabati 5,500 yaliyokusudiwa kwa wahanga wa maafa katika mkoa wa Karamoja. Mwendesha mashtaka Jumatano alisema Bi Kitutu, ambaye kwa sasa anazuiliwa na polisi, Alhamisi atashtakiwa mahakamani kwa ufisadi. Waziri wa Uganda ashtakiwa kwa kashfa ya karatasi Mkurugenzi wa Mashtaka nchini Uganda ameidhinisha mashtaka ya ufisadi dhidi ya Waziri wa Masuala ya Karamoja Mary Goretti Kitutu kuhusu jukumu lake katika kashfa ya mabati katika eneo la kaskazini-mashariki. “Ofisi ya Mkurugenzi wa Mashtaka imeidhinisha mashtaka ya rushwa na kula njama ya kutenda kosa dhidi ya Mhe. Kitutu Mary Goretti Kimono kwa kubadilisha mabati yaliyokusudiwa kwa Mpango wa Uwezeshaji Jamii ya Karamoja,” taarifa ilisema.

  Hatimaye Mahakama ya Moshi Mkoani Kilimanjaro mchana huu imetangaza kumuachia huru aliyekuwa Mkuu wa Wilaya ya Hai, Lengai Ole Sabaya baada ya muda mfupi uliopita kukiri makosa yake yaliyokuwa yakimkabili. Sabaya amekiri makosa yake kwa njia ya ‘plea bargaining’ ambao ni mchakato wa makubaliano/maridhiano maalumu katika kesi ya jinai kati ya Mwendesha Mashtaka na Mshitakiwa ambapo Mshitakwa anaweza kukubali kukiri kosa moja au zaidi katika makosa aliyoshitakiwa nayo ili apate nafuu katika kesi inayomkabili. Taarifa kamili kuhusu kuachiwa kwake na maagizo ya Mahakama nitakupatia hivi punde

Madereva wa malori ya mchanga wilayani Misungwi wakijadiliana jambo kuhusu ongezeko la ushuru kutoka Sh3, 000 hadi Sh8, 000 kwa tripu moja.  Madereva malori zaidi 84 ya kusomba mchanga Wilaya ya Misungwi mkoani Mwanza wamesitisha shughuli zao na kuandamana hadi Ofisi za Halmashauri ya Wilaya ya Misungwi kupinga ongezeko la ushuru kutoka Sh3, 000 hadi Sh8, 000 kwa tripu moja. Mwanza. Madereva malori zaidi 84 ya kusomba mchanga Wilaya ya Misungwi mkoani Mwanza wamesitisha shughuli zao na kuandamana hadi Ofisi za Halmashauri ya Wilaya ya Misungwi kupinga ongezeko la ushuru kutoka Sh3, 000 hadi Sh8, 000 kwa tripu moja. Akizungumza na Waandishi wa habari Jumatatu Aprili 3, 2023, Mwenyekiti wa Madereva hao, Deogratius Polycup amesema ushuru huo umepanda tangu Aprili Mosi bila wao kushirikishwa. “Hatujafahamu vigezo vilivyotumika kupandisha ushuru kwa karibia asilimia 200; kibaya zaidi ni kwamba sisi wadau hatujashirikishwa kwenye maamuzi haya yanayotuathiri moja kwa moja,” amesema Polycup Ha

 Watoto wawili wa familia moja wamefariki dunia baada ya kutumbukia kwenye shimo la choo kinachoendelea kujengwa. Taarifa ya Kamanda wa Polisi Mkoa wa Tabora, Richard Abwao kwa vyombo vya habari leo Jumanne April 4, 2023 imesema tukio hilo limetokea katika kijiji cha Itetemia, Manispaa ya Tabora. Amewataja watoto waliofariki katika tukio hilo lililoacha simanzi kwa familia kuwa ni Rashid Hamis (3) na Sada Juma mwenye umri wa mwaka mmoja na miezi sita "Watoto hao walikuwa wakicheza maeneo ya karibu na shimo la choo kinachoendelea kujengwa ndipo walipotumbukia na kufariki dunia kwa kunywa maji mengi,” amesema Kamanda Abwao Amesema shimo hilo lilijaa maji kutokana na mvua zinazoendelea kunyesha sehemu mbalimbali nchini. Kamanda Abwao amewasihi wazazi na walezi kuwa makini kwa kufuatilia mienendo ya watoto wao wanapocheza, hasa jirani na maeneo hatarishi yakiwemo mashimo na madimbwi ya maji. Tukio hili limetokea wiki chache baada ya tukio lingine la watoto wa familia moja kufariki dun